Бернардзюс (Бені) Мюлер (; , — ) — нідэрландскі футбаліст, паўабаронца.
Спартыўная кар’ера
Мюлер пачаў прафесійную кар’еру ў амстэрдамскім «Аяксе». Ва ўзросце 18 гадоў дэбютаваў у асноўным складзе «Аякса», а ў хуткім часе стаў адным з вядучых гульцоў клуба. Выступаў за каманду на працягу трынаццаці сезонаў, згуляўшы за гэты час 426 матчаў і забіўшы 36 мячоў. Пяціразовы чэмпіён Нідэрландаў і трохразовы пераможца кубка краіны, фіналіст Кубка еўрапейскіх чэмпіёнаў 1969 года. Уваходзіць у дзясятку гульцоў па колькасці матчаў у гісторыі «Аякса». На клубным узроўні выступаў таксама за «Холанд Спорт» і «Блау-Віт».
У складзе зборнай Нідэрландаў выступаў з 1960 па 1968 год. Дэбютаваў у зборнай 3 красавіка 1960 года ў таварыскім матчы са зборнай Балгарыі, а свой першы гол забіў 24 мая 1964 года ў вароты зборнай Албаніі. Агулам за зборную згуляў 43 матчы і забіў 2 галы, у 6 сустрэчах быў капітанам каманды.
Бацька футбаліста Дані Мюлера. Крыніцы
Катэгорыя:Футбалісты Нідэрландаў