Джэйкаб Долсан Кокс (; , , Квебек — , Глостэр, штат Масачусетс) — амерыканскі палітычны дзеяч. 28-ы губернатар штата Агая ў 1866—1868 гадах. Займаў пасаду міністра ўнутраных справаў ЗША ў 1869—1870 гадах. Член Палаты прадстаўнікоў Кангрэса ЗША ў 1877—1879 гадах.
Біяграфія
Кокс нарадзіўся ў Канадзе. Ён ажаніўся ў 1849 годзе з Хелен Фіні. У пары было восем дзяцей. Кокс вывучаў багаслоўе ў каледжы Оберлін. Затым ён вывучаў права і пачаў у 1853 годзе сваю кар’еру ў якасці юрыста ў штаце Агая. Ён быў чальцом Сената штата ў 1859—1860 гадах.
Кокс удзельнічаў у Грамадзянскай вайне ў ЗША ў складзе войска паўночных штатаў і даслужыўся да чыну генерал-маёра. Перамог дэмакрата Джорджа У. Моргана на губернатарскіх выбарах 1865 года. Рэспубліканцы ў Агая не вылучалі яго для перавыбрання але новы тэрмін. Яго пераемнікам у 1868 годзе стаў Ратэрфорд Хейс.
Прэзідэнт ЗША Уліс Грант прызначыў Кокса ў 1869 годзе міністрам унутраных спраў. Ён сышоў у адстаўку ў наступным годзе ў знак пратэсту супраць карупцыі ў палітычнай сістэме, ягоным пераемнікам стаў Каламбус Дэлана. Кокс быў у 1876 годзе абраны ў Палату прадстаўнікоў. Ён не вылучаў сваю кандыдатуру для перавыбрання на выбарах у Кангрэс у 1878 годзе.
Кокс па веравызнанні быў прэсвітэрыянінам.