Канстанцін Яўгенавіч Кальцоў () — беларускі хакеіст, крайні нападаючы. Трэнер. Заслужаны майстар спорту Рэспублікі Беларусь.
Біяграфія Нарадзіўся 17 красавіка 1981 года ў Мінску.
Выхаванец хакейнай школы «Юнацтва». Да 1998 года выступаў за дзіцячую, юніёрскую і маладзёжную каманду, правёў пяць матчаў у чэмпіянаце Беларусі.
У 1999 годзе быў абраны «Пітсбург Пінгвінз» у першым раундзе драфта НХЛ пад 18-м нумарам.
Усяго ў НХЛ правёў 144 гульні, набраў 38 (12+26) ачкоў.
У чэмпіянатах Расіі і КХЛ выступаў за сем клубаў. Шэсць сезонаў правёў ва ўфімскім «Салаваце Юлаеве», з якім у 2011 годзе выйграў Кубак Гагарына.
За нацыянальную зборную Беларусі выступаў з 1999 года. Удзельнік Алімпійскіх гульняў у Солт-Лэйк-Сіці і Ванкуверы, Чэмпіянатаў свету па хакеі з шайбай 1999, 2001, 2002 у першым дывізіёне, 2005, 2007, 2008, 2009, 2010, 2012, 2013, 2014 гадоў.
З 2017 па 2024 год на трэнерскай працы. Ён стаў асістэнтам галоўнага трэнера ва ўфімскім «Салаваце Юлаеве». Затым працаваў асістэнтам у «Дынама Мінск». А першы самастойны трэнерскі вопыт Канстанцін Кальцоў пачаў у «Брэсце». А ў чэрвені 2020 года Кальцоў узначаліў «Дынама-Маладзечна». Разам з камандай ён заняў чацвёртае месца ў рэгулярным чэмпіянаце Беларусі. Пасля такога ўдалага сезона спецыяліста заўважылі ў маскоўскім «Спартаку», куды ён перайшоў.
Але ў міжсезонне 2022 года Канстанцін Кальцоў вярнуўся ў «Салават Юлаеў» і ўвайшоў у трэнерскі штаб уфімскага клуба. У канцы сезона 2023/24 стала вядома, што ён пакіне клубТренер «Салавата Юлаева» Константин Кольцов покинет клуб.
Загінуў 18 сакавіка 2024 года ў амерыканскім Маямі. На падставе расследавання і сабраных доказаў гэты інцыдэнт быў класіфікаваны паліцыяй як суіцыд. Цела было крэміравана ў ЗША.
Зноскі
Катэгорыя:Хакеісты Беларусі Катэгорыя:Хакеісты КХЛ Катэгорыя:Хакеісты НХЛ Катэгорыя:Заслужаныя майстры спорту Рэспублікі Беларусь Катэгорыя:Ігракі зборнай Беларусі па хакеі Катэгорыя:Хакейныя трэнеры Беларусі Катэгорыя:Трэнеры ХК Брэст Катэгорыя:Хакеісты на зімовых Алімпійскіх гульнях 2002 года Катэгорыя:Хакеісты на зімовых Алімпійскіх гульнях 2010 года Катэгорыя:Ігракі ХК Юнацтва-Мінск Катэгорыя:Ігракі ХК Северсталь Катэгорыя:Ігракі ХК Металург Новакузнецк Катэгорыя:Ігракі ХК Ак Барс Катэгорыя:Ігракі ХК Спартак Масква Катэгорыя:Ігракі «Пітсбург Пінгвінз» Катэгорыя:Ігракі ХК Дынама Мінск Катэгорыя:Ігракі ХК Салават Юлаеў Катэгорыя:Ігракі ХК Атлант Мыцішчы