Кокі Кано (нар. , Айці) — японскі фехтавальшчык на шпагах, двухразовы алімпійскі чэмпіён, шматразовы пераможца Азіяцкіх гульняў.
Біяграфія Нарадзіўся 19 снежня 1997 года ў горадзе Ама, Японія.
На працягу васьмі гадоў ён займаўся спартовай гімнастыкай. Кокі Кано пачаў займацца фехтаваннем у 2008 годзе, натхнёны тым, як японскі фехтавальшчык Юкі Ота выйграў сярэбраны медаль у асабістым заліку на рапірах на Алімпійскіх гульнях 2008 года ў Пекіне. Ён перайшоў з рапіры на шпагу, калі вучыўся ў старэйшай школе пасля перамогі ў турніры па шпазе.
Яго трэнеры — Юсуке Аокі і Аляксандр Гарбачук.
У 2018 годзе на Азіяцкіх гульнях у Джакарце Кокі Кано стаў чэмпіёнам у каманднай шпазе і бронзавым прызёрам у асабістым першынстве.
На Чэмпіянаце Азіі ў 2018 годзе ў Бангкоку ён выйграў бронзу ў індывідуальным заліку. А ў 2019 годзе на Чэмпіянаце Азіі ў сябе на радзіме таксама стаў бронзавым прызёрам у каманднай шпазе.
Скончыў спартовы факультэт Універсітэта Васэда.
Катэгорыя:Фехтавальшчыкі Японіі