Лычнёва (, ) — вёска на тэрыторыі Суражскага раёна, знішчаная нямецкімі акупацыйнымі войскамі разам з жыхарамі. Знаходзілася за 3 км на захад ад сучаснага аграгарадка Тарасенкі (ад перадваеннай вёскі Любашкава) Запольскага сельсавета.
Перад Вялікай Айчыннай вайной у вёсцы жылі 185 чалавек.
У чэрвені 1942 года, у час карнай аперацыі, гітлераўцы загубілі 144 жыхароў, а вёску (40 двароў) спалілі.
Пасля вайны не адрадзілася. На ўшанаванне памяці ахвяр фашызму ў 1988 годзе на месцы спаленай вёскі ўстаноўлены мемарыяльны знакБеларуская энцыклапедыя belarusenc.by.
Увекавечана ў мемарыяльным комплексе «Хатынь».
Крыніцы
Літаратура
Спасылкі Беларуская энцыклапедыя
Катэгорыя:Былыя населеныя пункты Віцебскага раёна Катэгорыя:Запольскі сельсавет (Віцебскі раён)