Пётр I Мушат (Пётр-Ваявода, ) — гаспадар Малдаўскага княства (1375—1391), сын Косці і Мушаты (Маргарыты), першы з кіраўнікоў дынастыі Мушатаў (Мушацінаў).
Падчас яго кіравання хутка развіваецца эканоміка Малдовы. Упершыню ў афіцыйных дакументах з’яўляюцца згадкі пра Ясы, Раман, Сірэту, Бай-бай, Тыргу-Нямц, Хацін, Букавіну. У 1385 годзе новай сталіцай дзяржавы становіцца Сучава. Зацвярджаюцца пасады пыркэлаба і ворніка. Па даручэнні Пятра была пабудавана царква Святой Тройцы ў Сірэце, адно з першых вядомых збудаванняў у малдаўскім архітэктурным стылі.
У часы праўлення Пятра I Мушата Малдаўскае княства актыўна ўключаецца ў міжнародныя адносіны Паўднёва-Усходняй Еўропы. Менавіта з таго часу захаваўся першы дакладны акт, выпушчаны малдаўскай канцылярыяй, датаваны 1 мая 1384 года. У 1387 годзе ён прынёс прысягу польскаму каралю Уладзіславу II Ягайла.
У 1387 годзе Пётр I Мушат з блаславення мітрапаліта Галіча прызначыў Іосіфа кіраўніком Малдаўскай Праваслаўнай Царквы. У адказ на гэта патрыярх Канстанцінопальскі абвясціў анафему на ўсё Малдаўскае княства.
У 1389 годзе Пётр I Мушат быў пасярэднікам на перамовах паміж Валахіяй і Польшчай.
Ажаніўся з блізкай сваячкай свайго сюзерэна Уладзіслава II Ягайла. У яго было двое сыноў — Раман і Івашка, беспаспяхова прэтэндавалі на малдаўскі прастол.
Крыніцы
Літаратура Стати В. История Молдовы.. — Киш.: Tipografia Centrală, 2002. — С. 56—57. — 480 с. — ISBN 9975-9504-1-8. Стати В. Свет истины православной // Независимая Молдова. — 14 марта 2003. Архивировано 28 сентября 2007 года. Крылов А. Б. Религиозная ситуация и этнополитические факторы в Республике Молдове // Молдавия. Современные тенденции развития. — Российская политическая энциклопедия, 2004. — С. 318. — ISBN 5-8243-0631-1. Господари «Земли Молдавской» в монетной чеканке. Первые монетные выпуски Молдавии // STRATUM Plus. — Кишинёв, 1999. — № 6. — С. 182—201.
Катэгорыя:Мушаты Катэгорыя:Гаспадары малдаўскія