У канцы кастрычніка 2024 года з-за праліўных дажджоў у некалькіх раёнах Паўднёва-Усходняй Іспаніі, у тым ліку Валенсіі, Кастыліі-Ла-Манча і Андалусіі, здарыліся маштабныя паводкі. У выніку загінулі прынамсі 217 чалавек. У каралеўстве была абвешчана трохдзённая жалоба.
Ход падзей Шторм абрынуўся на Іспанію, а перадусім на Валенсію, увечары 29 кастрычніка. Па даных іспанскіх метэаролагаў, усяго за восем гадзін у Валенсіі выпала 491 мм ападкаў, што адпавядае прыблізна гадавой норме. За 24 гадзіны ў Валенсіі выпала найбольшая колькасць ападкаў з 1966 года.
У Чыве выпала каля 500 літраў ападкаў на квадратны метр, як ва Уцьеле і Турысе было зафіксавана ў агульнай складанасці па 200 л/м2, а ў іншых паўднёва-ўсходніх муніцыпалітэтах — па 100 л/м2. У Андалусіі шторм нанёс шкоду будынкам, дарогам, мастам і сельскагаспадарчым угоддзям. Для выратавання некалькіх чалавек была задзейнічана Грамадзянская гвардыя. Іспанскае метэаралагічнае агенцтва AEMET абвясціла жоўты і аранжавы ўзроўні трывогі ў шэрагу рэгіёнаў. На поўдні і ўсходзе Іспаніі ўзровень павышаны да чырвонага.
Затым непагадзь пайшла ў Каталонію, дзе таксама выклікала транспартны калапс — былі адмененыя авіярэйсы, спынены рух на чыгунцы.
Рэакцыя Урад Іспаніі стварыў крызісны камітэт для каардынацыі нацыянальных мер рэагавання, а прэм’ер-міністр Педра Санчэс адзначыў, што адсочвае паведамленні аб разбурэннях і інфармацыю аб зніклых асобах. У Валенсію было накіравана ваеннае падраздзяленне па надзвычайных сітуацыях для аказання дапамогі ў правядзенні выратавальных работ. Больш за 1000 іспанскіх вайскоўцаў былі накіраваныя ў найбольш пацярпелыя раёны.
Мясцовыя ўлады падвергліся крытыцы за тое, што не папярэдзілі своечасова жыхароў аб небяспецы. Урад рэгіёна Валенсія прызнаў, што разаслаў SMS-паведамленні толькі праз восем гадзін пасля першых паведамленняў аб паводках і праз 10 гадзін пасля таго, як метэаралагічная служба краіны папярэдзіла аб «надзвычайнай небяспецы» ў рэгіёне.
Крыніцы
Катэгорыя:2024 год у Іспаніі Катэгорыя:Кастрычнік 2024 года Катэгорыя:Паводкі 2024 года