Хмара — рака ў Смаленскай вобласці Расіі, левы прыток Сажа. Працякае па тэрыторыі Глінкаўскага і Пачынкаўскага раёнаў. Выток на ўсходзе Пачынкаўскага ўзвышша за 1,5 км на паўднёвы захад ад вёскі Ясенак Глінкаўскага раёна. Вусце на паўночны захад ад вёскі Базылёўкі Пачынкаўскага раёна. Кірунак плыні рака некалькі разоў мяняе з заходняга на паўднёвы і назад. У вярхоўях Хмара цячэ ў вузкай даліне, затым даліна пашыраецца, дасягаючы 6-8 кіламетраў.
На рацэ знаходзяцца вёскі Стрыгіна, Мачулы, Ліпкі, Хмара, побач з ракой — горад Пачынак.
Крыніцы
Катэгорыя:Прытокі Сажа