Дэвід Брус (; , , Аўстралія — , , Вялікабрытанія) — англійскі бактэрыёлаг, паразітолаг і эпідэміёлаг, член Лонданскага каралеўскага таварыства (з 1899 года).
Біяграфія Нарадзіўся 29 траўня 1855 года ў Мельбурне. У 1881 годзе скончыў Эдынбургскі ўніверсітэт. З 1883 года прыняты на працу ў ваенна-медыцынскую службу. З 1884 па 1888 год працаваў на востраве Мальта, у 1888 годзе — у лабараторыі Роберта Коха ў Берліне, з 1889 па 1894 год — у Шпіталі каралевы Вікторыі ў Нэтлей. У 1903 годзе ўзначальваў экспедыцыю ва Уганду для вывучэння соннай хваробы, у 1904 годзе ўзначальваў камісію па вывучэнні ліхаманкі на востраве Мальта. З 1914 па 1918 год працаваў у Ваенна-медыцынскім каледжы ў Мільбанку, Лондан. З 1918 года — на пенсіі па стане здароўя.
Памёр 27 лістапада 1931 года ў Лондане, праз 4 дні пасля смерці сваёй жонкі падчас яе памінальнай службы. Абодва былі крэміраваны ў Лондане, іх попел пахаваны разам недалёка ад замка Стэрлінг, пад простым каменным крыжом. У іх не было дзяцей.