«Прыгажунчык Серж» () — дэбютны мастацкі фільм Клода Шаброля, які выйшаў на экраны ў 1958 годзе. Стужка атрымала прыз за найлепшую рэжысуру на кінафестывалі ў Лакарна і Прэмію Жана Віго за найлепшы фільм. Некаторыя спецыялісты лічаць гэты фільм адным з ключавых прадвеснікаў французскай новай хвалі.
Сюжэт Хворы на туберкулёз Франсуа (Жан-Клод Брыялі) вяртаецца са Швейцарыі ў родную французскую вёску пасля дзесяцігадовай адсутнасці. Ён сустракае старых знаёмцаў, у тым ліку і свайго даўняга прыяцеля Сержа (Жэрар Блен), які раней ажаніўся з Івонай. Пасля смерці свайго дзіцяці, якое нарадзілася з сіндромам Дауна, Серж моцна змяніўся, зрабіўся панурым і адмаўляецца глядзець у твар рэальнасці, топіць сваё гора ў віне. Франсуа ўсведамляе сваю адказнасць, што адбываецца, і ў яго ўзнікае жаданне дапамагчы Сержу.
У ролях Жэрар Блен — Серж Жан-Клод Брыялі — Франсуа Мішэль Мерыц — Івона Бернадэт Лафон — Мары Клод Серваль — святар Жанна Перэс — мадам Шэнье Андрэ Дзіна — доктар Мішэль Эдмон Бішоп — Глома Мішэль Крозэ — пекар Клод Шаброль — Брымель ля Труф Філіп дэ Брака — Жак-Рывет дэ ла Рызэ
Катэгорыя:Фільмы 1958 года