Мечыслаў Эдвардавіч Часноўскі (, в. Коцеўшчына, , Мінская вобласць — ) — беларускі гісторык, дыпламат. Доктар гістарычных навук (2001). Рэктар Брэсцкага дзяржаўнага ўніверсітэта імя А. С. Пушкіна (2002—2014).
Біяграфія Нарадзіўся 18 мая 1948 года ў в. Коцеўшчына Валожынскага раёна Мінскай вобласці ў сялянскай сям’і.
У 1972 годзе скончыў гістарычны факультэт Белдзяржуніверсітэта, дзе вучыўся разам з Пятром Краўчанкам. Працаваў дырэктарам 8-гадовай школы ў в. Гірбінята Валожынскага раёнаЧесновский Мечислав Эдвардович.
З 1975 года працаваў выкладчыкам у БДУ. Завочна закончыў аспірантуру. Кандыдат гістарычных навук з 1983 года. У 1985—1991 гадах быў дэканам факультэта павышэння кваліфікацыі БДУ. У 1987—1989 гадах адначасова з працай ва ўніверсітэце быў у выбарных органах КПБ. У 1991—1993 гадах працаваў намеснікам дэкана гістарычнага факультэта.
У 1993 годзе па прапанове Міністра замежных спраў Рэспублікі Беларусь Краўчанкі П. К. накіраваны на дыпламатычную работу ў Варшаву, дзе да 1996 года працаваў саветнікам, саветнікам-пасланнікам, Часовым павераным у справах Рэспублікі Беларусь у Рэспубліцы Польшча.
З 1996 года — зноў у БДУ. Адзін са стваральнікаў факультэта міжнародных адносін, намеснік дэкана, дацэнт, а з 2001 года — прафесар кафедры міжнародных адносін. З лістапада 2002 года па май 2014 года — рэктар Брэсцкага дзяржаўнага ўніверсітэта імя А. С. Пушкіна. Старшыня экспертнага савета ВАК Беларусі па гістарычнай галіне навукі.https://vak.gov.by/node/6408
У рамках міжнародных санкцый супраць ў Беларусі пасля здушэння апазіцыі пасля прэзідэнцкіх выбараў 2010 года Мечыслаў Часноўскі стаў суб’ектам забароны на паездкі і замарожвання актываў Еўрапейскім Саюзам як частка спісу беларускіх чыноўнікаў, адказных за палітычныя рэпрэсіі, падтасоўку вынікаў галасавання і прапагандуРектору БрГУ запретили въезд в Евросоюз — Общество — Брестская газета. У сваім рашэнні Еўрапейскі савет абвінаваціў Часноўскага ў «адлічэнні студэнтаў, якія ўдзельнічалі ў пратэстах пасля выбараў у снежні 2010 года».Council Decision 2012/642/CFSP of 15 October 2012 concerning restrictive measures against Belarus, EUR-Lex, 2012.
Памёр 17 кастрычніка 2021 года17 кастрычніка 2021 гада сышоў з жыцця выдатны беларускі вучоны, дыпламат Мечыслаў Эдвардавіч Часноўскі . 21 кастрычніка пасля пахавальнай святой імшы і абрада развітання са спачылым у Чырвоным касцёле Мінска ён быў пахаваны на могілках каля в. Качына.
Сям’я Сын — Часноўскі Аляксандр Мечыслававіч — cаветнік-пасланнік Пасольства Рэспублікі Беларусь у Рэспубліцы ПольшчаСупрацоўнiкi Пасольства
Выбраная бібліяграфія Постсацыялістычныя краіны на шляху пераўтварэнняў і еўрапейскай інтэграцыі: вучэбн. дапаможнік / М. Э. Часноўскі. — Мн.: Веды, 1997. — 120 с. — ISBN 985-6390-36-2. Эвалюцыя грамадскага ладу і міжнароднай палітыкі сучаснай Польшчы // Белорусский журнал международного права и международных отношений. — 1998. — № 2. Палітыка Расіі адносна краін Цэнтральнай і Усходняй Еўропы: погляд з Варшавы // Белорусский журнал международного права и международных отношений. — 1998. — № 4. Беларускі аспект усходняй палітыкі Польшчы ў 1996—1999 гг. // Белорусский журнал международного права и международных отношений. — 2000. — № 2. Праблема рэгіянальнай стабільнасці ў Цэнтральнай і Усходняй Еўропе ў канцы XX ст. // Белорусский журнал международного права и международных отношений. — 2000. — № 3. Еўрарэгіёны і іх роля ў постсацыялістычным развіцці краін Цэнтральнай і Усходняй Еўропы // Беларусь в современном мире: материалы I Республиканской научной конференции, 22—23 октября 2002 г. / редкол.: А. В. Шарапо [и др.]. — Минск: БГУ, 2003.
Узнагароды медаль «65 гадоў вызвалення Рэспублікі Беларусь ад нямецка-фашысцкіх захопнікаў», медаль Францыска Скарыны (2011), нагрудны знак «Выдатнік адукацыі Рэспублікі Беларусь».
Зноскі
Катэгорыя:Дыпламаты Беларусі Катэгорыя:Дактары гістарычных навук Катэгорыя:Рэктары Брэсцкага дзяржаўнага ўніверсітэта імя А. С. Пушкіна Катэгорыя:Выпускнікі гістарычнага факультэта БДУ Катэгорыя:Выкладчыкі БДУ Катэгорыя:Гісторыкі Беларусі Катэгорыя:Дэканы БДУ Катэгорыя:Беларускія асобы ў Чорным спісе ЕС Катэгорыя:Пахаваныя ў Мінскім раёне