Севастакратар Калаян — балгарскі феадальны валадар, які меў вышэйшы тытул севастакратара. Кіраваў вобласцю Срэдзеца ў XIII стагоддзі.
Калаян мог быць унукам цара Івана Асеня I (1189—1196) праз яго малодшага сына севастакратара Аляксандра, бо ён згадваецца як кузен цара Канстанціна I Ціха (1257—1277); аднак, яго дачыненні да царскай сям'і маглі быць толькі тытулярнымі. Калаян апанент правізантыйскай палітыкі цара Міхаіла Асеня I (1246—1256), браў удзел у апазіцыі яму.
Севастакратар Калаян больш за ўсё вядомы як галоўны кцітар Баянскай царквы, сярэдневяковага праваслаўнага храма ў Баяне каля Сафіі. Надпіс 1259 года ў царкве апісвае ролю Калаяна ў яе ўзвядзенні. Царква ўпрыгожана партрэтамі кцітара Калаяна і яго жонкі Дзясіславы.
Існуе таксама здагадка, што Калаян перабудаваў палац рымскага імператара Канстанціна I у Сафіі і выкарыстоўваў яго як сваю гарадскую рэзідэнцыю. Дзве іншыя невялікія царквы ў Сафіі, Св. Петкі Старой і Св. Мікалая, таксама атрыбутаваны яго кцітарствам.
Літаратура Srdjan Pirivatric. The Boyana Church Portraits. A Contribution to the Prosopography of Sebastocrator Kaloyan. — В: Боянската църква между Изтока и Запада в изкуството на християнска Европа. Ред. и съст. Бисерка Пенкова. С., НИМ, 2011,
Катэгорыя:Члены царскага дому Балгарыі Катэгорыя:Памерлі ў XIII стагоддзі Катэгорыя:Постаці Сафіі Катэгорыя:Манархі Еўропы