«Сток Сіці» () — прафесійны англійскі футбольны клуб, які размяшчаецца ў горадзе Сток-он-Трэнт, графства Стафардшыр. Выступае ў Чэмпіёншыпе. З’яўляецца другім найстарэйшым прафесійным клубам Англіі пасля «Нотс Каўнці». Клубная мянушка «Ганчары» з’явілася з-за развіцця керамічнай прамысловасці ў Сток-он-Трэнце. Хатнюю форму складаюць белая футболка з чырвонымі вертыкальнымі палосамі і белыя шорты. Першым і галоўным трафеем клубу стаў выйграны ў 1972 годзе Кубак Футбольнай лігі, калі «Сток Сіці» быў мацнейшы за «Чэлсі» з лікам 2:1. Клуб выйграваў трафей Футбольнай лігі двойчы, у 1992 і 2000 гадах. Вышэйшай пазіцыяй у чэмпіянаце Англіі з’яўляецца 4 месца, якое клуб двойчы займаў, спачатку ў сезоне 1935/36, а потым у сезоне 1946/47. «Сток Сіці» не аднойчы рэпрэзентаваў англійскі футбол у еўрапейскіх клубных спаборніцтвах, а ў 2011 годзе дайшоў да фіналу Кубка Англіі, дзе быў пераможаны клубам «Манчэстэр Сіці».

Хатні стадыён «Бет365» месціць 27 902 гледачы, ён быў адчынены ў 1997 годзе, а з 1878 года клуб гуляў на стадыёне «Вікторыя Граўнд». Дзейны прэзідэнт Пітэр Коатс кіруе клубам з 22 мая 2006 года. Традыцыйнымі для клуба з’яўляюцца кашулі з чырвонымі і белымі вертыкальнымі палосамі, белыя шорты і панчохі.

Гісторыя Раннія гады «Сток Сіці» быў утвораны ў 1863 годзе пад назвай «Валацугі са Стока» (), калі вучні школы Charterhouse сфарміравалі футбольны клуб«1863–1888 In The Beginning». Stoke City Official Website. Першы задакументаваны матч клуба адбыўся ў кастрычніку 1868 года, калі каманды правяла гульню супраць клуба «EW May XV» на пляцоўцы Крыкетнага клуба імя Вікторыі. Генры Альманд, заснавальнік клуба, які таксама быў яго капітанам, забіў першы гол клуба. У гэты перыяд каманда праводзіла свае матчы на пляцоўцы Крыкетнага клуба, аднак з цягам часу «Сток» перайшоў на суседняе поле «Суітынгз Філд» у 1875 годзе, каб справіцца з ростам наведвальнасці матчаў.

У 1878 годзе клуб быў аб’яднаны з Крыкетным клубам імя Вікторыі. Клуба зноў пераехаў на сваю былую гульнявую пляцоўку, які неўзабаве стаў вядомы як «Вікторыя Граўнд»«Stoke City Football Club» . albionroad.com.. Прыкладна ў гэты ж час клуб прыняў сваю традыцыйную чырвона-белую перапялясую форму. У жніўні 1885 года клуб атрымаў статус прафесійнай каманды.

«Сток» быў адным з дванаццаці членаў-заснавальнікаў Футбольнай лігі, калі яна паўстала ў 1888 годзе«Blackburn Rovers FC». BBC.. Клуб змагаўся ў першых двух сезонах, сканчаючы абодва разы чэмпіянат на апошнім радку выніковай табліцы«1888–1900 Election Fever». Stoke City Official Website.. У 1890 годзе «Сток» не здолеў пераабрацца ў Лігу і ўступіў у саюз футбола, які яны адразу ж перамаглі, і такім чынам былі пераабраны ў Футбольнай лігу. «Сток» правёў наступныя 15 сезонаў у першым дывізіёне, дасягнуўшы ў 1899 годзе паўфіналу Кубку Англіі, пакуль не вылецеў з Лігі ў 1907 годзе. «Сток» збанкрутаваўся і на пачатку Першай сусветнай вайны не ўдзульнічаў у розыгрышу Футбольнай лігі. Падчас ваеннага перыяду, «Сток» увайшоў у Лігу Ланкашыра«1910–1920 Rebirth» . Stoke City Official Website.. Калі футбольныя турніры ў Англіі былі адноўлены ў жніўні 1919 года, «Сток» паўторна далучыўся да Лігі.

Уздым У 1919 годзе клуб стаў уладальнікам «Вікторыі Граўнд». За гэтым рушыла ўслед будаўніцтва новай трыбуны, якая павялічыла агульную ёмістасць стадыёну да 50 тысяч чалавек«1920–1930 The Fall And Rise». Stoke City Official Website.. У 1925 годзе Сток-он-Трэнт атрымаў статусу горада, што дало магчымасць пераназваць клуб у «Сток Сіці» ў 1928 годзеThe Oatcake. «SCFC History». oatcake.co.uk..

У 1930-я гады дэбютаваў за клуб самы знакаміты з яго ігракоў, Стэнлі Мэцьюз. Стэнлі, які вырас у Хенлі і быў вучнем клуба, у першы раз выйшаў на пляцоўку ў футболцы клуба ў сакавіку 1932 года ў матчы супраць клуба «Бэры» ва ўзросце 17 гадоў«The first gentleman of soccer». BBC News. Да канца дзесяцігоддзя, Мэцьюз зарэкамендаваў сябе як у зборнай Англіі, гэтак як адзін з лепшых футбалістаў свайго пакалення. «Сток Сіці» дасягнуў прасоўвання ў Футбольную лігу ў 1933 годзе, аднак Мэцьюз згуляў толькі 15 гульняў у тым сезоне. Ён тым не менш забіць свой першы гол за клуб у матчы супраць аднаго з прынцыповых супернікаў клуба «Порт Вейл» у пераможным матчы 3:1«1930–1940 Stan’s The Man» . Stoke City Official Website..

Да 1934 года сярэдняя наведвальнасць клуба ўзрасла да больш чым 23 тысяч чалавек, што, у сваю чаргу, дало магчымасць клубу павялічыць колькасць сродкаў, якія выдзяляюцца на трэнферную дзейнасць. Клуб стаў адным з лідараў англійскага футболу, і менавіта ў гэты перыяд клуб аформіў сваю рэкордную перамогу ў лізе, перайграўшы з лікам 10:3 «Вест Бромвіч Альбіён» у лютым 1937 года. У красавіку таго ж года клуб дасягнуў і рэкорду наведвальнасці, калі на гульні супраць «Арсенала» былі зафіксаваны на трыбунах 51 373 чалавекі. Фрэдзі Стыл забіў 33 галы ў сезоне 1936/37, што застаецца рэкордам клуба.

Далейшая гісторыя У 1952 годзе клуб пакінуў Першы Дывізіён Футбольнай лігі, вышэйшую на той момант футбольную лігу Англіі. У 1960 годзе клубам стаў кіраваць Тоні Уодынгтан, а праз 2 гады ён вывеў каманду ў вышэйшы дывізіён. У 1972 годзе клуб заваяваў Кубак Футбольнай лігі, першы сур’ёзны трафей у сваёй гісторыі. 4 мая 2008 года клуб упершыню з 1985 года выйшаў у Прэм’ер-лігу, дзе выступаў да 2018 года.

Дасягненні Айчынныя Чэмпіёншып Чэмпіён (2): 1933, 1963 Другое месца (1): 2008 Першая футбольная ліга Чэмпіён (1): 1993 Пераможцы плэй-оф (1): 2002 Трэці паўночны дывізіён Чэмпіён (1): 1927 Кубак Футбольнай лігі Уладальнік (1): 1972 Фіналіст (1): 1964 Трафей футбольнай лігі Уладальнік (2): 1992, 2000 Кубак Уотні Уладальнік (1): 1973 Кубак вострава Мэн Уладальнік (3): 1988, 1992, 1993

Рэкорды Наведвальнасць 51 130 («Вікторыя Граўнд») — супраць лонданскага «Арсенала» (29 сакавіка 1937) 28 218 («Брытанія») — супраць «Эвертана» (5 студзеня 2002)

Выніковасць Перамога — 10:3 над «Вест Бромвіч Альбіён» (1937) Параза — 0:10 ад «Прэстан Норт Энд» (1889)

Склад Станам на люты 2024 года.

Крыніцы

Спасылкі

Афіцыйны сайт Гісторыя клуба на Premiership.Ru

Сток Сіці Сток Сіці