Карцэ́я — возера ў Шаркаўшчынскім раёне Віцебскай вобласці, за 11 км на ўсход ад гарадскога пасёлка Шаркаўшчына, за 1 км на захад ад вёскі Шкунцікі, у басейне ракі Дзісна на водападзеле рэк Паловіца і Стуканаўка.
Плошча паверхні 0,25 км². Даўжыня 0,9 км, найбольшая шырыня 0,7 км. Даўжыня берагавой лініі 2,5 км. Плошча вадазбору 3,75 км². Аб'ём вады ў возеры каля 0,44 млн м².
Катлавіна возера круглаватай формы. Схілы катлавіны вышынёй 1—2 м, спадзістыя, месцамі разараныя. Берагавая лінія слабазвілістая. Берагі нізкія. Выцякаюць ручаі ў Паловіцу і Стуканаўку.
У возеры водзяцца лешч, гусцяра, плотка, краснапёрка, акунь, лінь і іншыя віды рыб.
Літаратура
Спасылкі Агульная характарыстыка азёр Віцебскай вобласці / Даведнік «Водныя аб’екты Рэспублікі Беларусь» Морфаметрычныя параметры азёр Віцебскай вобласці / Даведнік «Водныя аб’екты Рэспублікі Беларусь» Иванов-Смоленский В. Г. Все озёра Беларуси. Популярная иллюстрированная энциклопедия. Т. 3-2.
Катэгорыя:Азёры Віцебскай вобласці Катэгорыя:Азёры Шаркаўшчынскага раёна