«Віленскі сшытак», таксама «Віленская табулатура» () — ананімны зборнік свецкай пабытовай песенна-танцавальнай музыкі эпохі Рэнесансу, які захаваў узоры папулярных у Вялікім Княстве Літоўскім жанраў свайго часу. Быў складзены ў Вільні ў 1600 годзе. Змяшчае п’есы для сольнага (на лютні і аргане) і ансамблевага выканання, рычэркары, такаты, разнастайныя танцы ўсходне- і заходнееўрапейскага паходжання, апрацоўкі канцон і іншых вакальных твораў. Укладальнікам, а верагодна і аўтарам апрацовак лютневай табулатуры магчыма быў вядомы лютніст і кампазітар Дыямед Като (Diomedes Cato, 1560 — пасля 1619).
Рукапіс помніка захоўваецца ў Віленскіх архіўных зборах. У XX стагоддзі ён выдаваўся ў розных краінах свету (ЗША, Венгрыя, Беларусь)Музыка нашай даўніны.
Катэгорыя:Культура Вільні Катэгорыя:Творы 1600 года Катэгорыя:Кнігі XVI стагоддзя Катэгорыя:Музыка Вялікага Княства Літоўскага