Ter en conta que co termo cambrón ou espiño cambrón desígnanse diferentes especies: "Crataegus monogyna" (estripeiro ou escambrón) ou "Pyrus cordata" (pereira brava). Tampouco confundir coa camariñeira ou camariña ("Corema album" (L.) D. Don.).

Co termo cambroeira ou cambrónNome vulgar galego do xénero en varias fontes: Diccionario das ciencias da natureza e da saúde (A-C) A Coruña, Deputación da Coruña, 2000; "Botánica" en Vocabulario de ciencias naturais Santiago de Compostela, Xunta, 1991; Gran dicionario Xerais da lingua galega Vigo, Xerais, 2009 desígnanse as diversas especies de arbustos pertencentes ao xénero Lycium (da familia solanaceae), de 1 a 3 m de altura, moi ramificados, espiñentos, con follas lanceoladas ou oblongas, flores axilares, tubulares, solitarias ou en grupos reducidos, con corola a xeito de campá de cor vermella ou violácea, estames soldados a esta, e froitos en baga indehiscente, que medran nas sebes e nos bordos dos camiños.Definición no Gran dicionario Xerais da lingua galega Vigo, Xerais, 2009 A polinización adoita ser entomófila ou mediante aves, grazas á presenza dun disco nectarífero intraestaminal.

Comprende 83 especies distribuídas en zonas subtropicais, xeralmente áridas e secas, por todo o globo. O froito dalgunhas especies emprégase na medicina tradicional chinesa coma menciña para os problemas de circulación sanguínea, recibindo o nome de gouqizi (枸杞子). En Galiza son raros.

Especies A distribución xeográfica da súa diversidade é tal que en América do Norte hai unhas 20 especies, 30 en América do Sur, 30 en África, 10 en Eurasia e unha en Australia.

Listaxe parcial:

Lycium acutifolium Lycium afrum Lycium ameghinoi Lycium amoenum Lycium andersonii Lycium arenicola Lycium australe Lycium barbarum (goxi) Lycium bosciifolium Lycium berlandieri Lycium californicum Lycium carolinianum Lycium chilense Lycium chinense Lycium cinereum Lycium decumbens Lycium depressum Lycium eenii Lycium europaeum Lycium exsertum Lycium ferocissimum Lycium foetidum Lycium fremontii Lycium gariepense Lycium grandicalyx Lycium horridum Lycium hirsutum Lycium intricatum Lycium macrodon Lycium mascarenense Lycium nodosum Lycium oxycarpum Lycium pallidum Lycium pilifolium Lycium pumilum Lycium ruthenicum Lycium sandwicense Lycium schizocalyx Lycium schweinfurthii Lycium shawii Lycium sokotranum Lycium strandveldense Lycium tenue Lycium tenuispinosum Lycium tetrandrum Lycium villosum

Notas

Véxase tamén

Bibliografía Hitchcock, Charles Leo. "A Monographic Study of the Genus Lycium of the Western Hemisphere." Annals of the Missouri Botanical Garden, v. 19, no. 2/3 (abril 1932), pp. 179–348, 350-366.

Outros artigos Goxi Ligazóns externas Project Lycieae Homepage Lycium species records from GRIN

Categoría:Lycium Categoría:Plantas medicinais