Kenji Mizoguchi (en xaponés 溝口 健二), nado en Tokyo o 16 de maio de 1898 e finado en Kyoto o 24 de agosto de 1956 foi un director de cinema e guionista xaponés, considerado con Yasujirō Ozu e Akira Kurosawa o principal representante do cinema dese país.
Traxectoria Fillo dun carpinteiro, a súa familia viuse obrigada a dar en “adopción” como gueixa á súa irmá máis vella, feito que afectou profundamente a Mizoguchi. Por falta de diñeiro tivo que deixar a escola privada e foi enviado a coidar ao seu tío en 1911. Nesa época comezou a verse afectado pola artrite reumatoide e cando volveu cos seus pais tivo que pasar un ano enteiro na cama. En 1913 a súa irmá conseguiulle un traballo deseñando patróns de quimonos e dous anos despois, ao morrer a súa nai, levouno á súa casa para coidalo.
En 1916 comezou a estudar arte e pintura occidental e comezou a interesarse pola ópera, comezando a axudar aos decoradores do Royal Theatre de Akasaka. Posteriormente tamén traballou deseñando anuncios no xornal Yuishin Nippon en Kobe.
Entrou na industria cinematográfica como actor en 1920 e tres anos máis tarde dirixiu o seu primeiro filme. Nos seus primeiros anos dirixiu rapidamente ducias de filmes. Mentres que na súa seguinte etapa, a partir de 1939 viuse interesado por filmes realistas e de carácter social, ademais dos filmes de propaganda que realizou durante a segunda guerra mundial.
Foi descuberto pola crítica internacional despois da guerra, especialmente pola revista Cahiers du cinéma e por críticos coma Jacques Rivette. En 1953 gañou o León de Prata no Festival de Venecia con Ugetsu Monogatari.
Finou aos 58 anos vítima da leucemia.
Filmografía 1923 813 1923 Chi to Rei 1923 Seishun no Yumeji 1923 Kiri no Minato 1923 Joen no Chimata 1923 Haikyo no Naka 1923 Haisan no Uta wa Kanashi 1923 Yoru 1924 Samidare Zoshi 1924 Aka Tsuki no Shi 1924 Gendai no Jo 1924 Kyokubadan no Jo 1924 Toge no Uta 1924 Jose wa Tsuyoshi 1924 Kanashiki Hakuchi 1924 Jin-Kyo 1924 Shichimencho no Yukue 1924 Kanraku no Onna 1925 Gaijo no Sukechi 1925 Nogi Taisho to Kuma-San 1925 Musen Fusen 1925 Gakuso o Idete 1925 Furusato no Uta 1925 Daichi wa Hohoemu 1925 Ningen 1925 Shirayuki wa Nageku 1925 Akai Yuki ni Terasarete 1926 Kami-Ning-Yo Haru No Sasayaki 1926 Shin Onoga Tsumi 1926 Kin 1926 Kyoren no Onna Shisho 1926 Kaikoku Danji 1926 Doka-O 1927 Jihi Shincho 1927 Ko-On 1928 Hito no Issho 1928 Musume Kawaiya 1929 Nihonbashi 1929 Tokai Kokyogaku 1929 Asahi wa kagayaku 1929 Tōkyō kōshin-kyoku 1930 Furusato 1930 Tōjin Okichi 1931 Shikamo Karera wa Yuku 1932 Dawn in Manchuria/The Dawn of the Founding of Manchuko and Mongolia 1932 Toki no Ujigami 1933 Taki no Shiraito 1933 Gion Matsuri 1933 Shimpu-Ren 1933 Taki no Shiraito 1934 Aizō Tōge 1935 Maria no Oyuki 1935 Orizuru Osen 1935 Gubijin-so 1936 Naniwa hika 1936 Gion no kyōdai 1937 Aien kyō 1938 Roei no Uta 1939 Zangiku monogatari 1940 Naniwa Onna 1941 Genroku chūshingura 1941 Geido Ichidai Otoko 1944 Miyamoto Musashi 1944 Danjuro Sandai 1945 Meitō Bijomaru 1946 Utamaro o meguru gonin no onna 1946 Josei no Shori 1947 Joyū Sumako no koi 1948 Yoru no onnatachi 1949 Waga koi wa moenu 1950 Yuki fujin ezu 1951 Oyū-sama 1951 Musashino fujin 1952 Saikaku ichidai onna 1953 Gion bayashi 1953 Ugetsu monogatari 1954 Sanshō dayū 1954 Chikamatsu monogatari 1954 Uwasa no onna 1955 Shin Heike Monogatari 1955 Yokihi 1956 Akasen Chitai
Véxase tamén Bibliografía
Ligazóns externas
Acquarello: "Kenji Mizoguchi". Strictly Film School Jacoby, Alex: "Kenji Mizoguchi". Senses of Cinema, Great Directors: A Critical Database
Categoría:Directores de cinema do Xapón Categoría:Nados en Tokyo Categoría:Nados en 1898 Categoría:Finados en 1956 Categoría:Finados por leucemia