Quiet Riot é unha banda estadounidense de heavy metal coñecida polos seus sinxelos "Metal Health" e "Cum on Feel the Noize". O grupo formárono en 1973 o guitarrista Randy Rhoads e o baixista Kelly Garni co nome orixinal Mach 1, que cambiarían primeiro por Little Women e finalmente por Quiet Riot en maio de 1975. Este nome estivo inspirado nunha conversa con Rick Parfitt, da banda británica Status Quo, na cal Parfitt dixo que lle gustaría chamar a un grupo "Quite Right", e o seu forte acento inglés fixo que soase como se dixese "Quiet Riot". A banda foi situada no número 100 da lista de VH1 dos "100 mellores artistas de hard rock".
A formación orixinal estaba composta por Rhoads e Garni xunto co vocalista Kevin DuBrow e o batería Drew Forsyth. A súa formación máis exitosa foi a conformada por DuBrow, o guitarrista Carlos Cavazo, o baixista Rudy Sarzo e o batería Frankie Banali, que en 1983 publicou o álbum Metal Health que os faría famosos, o cal é coñecido por ser o primeiro disco de heavy metal en chegar á cima da lista de álbums da Billboard. Tras varios cambios de compoñentes e breves separacións, Quiet Riot continuou gravando e xirando ata a morte de DuBrow por unha sobredose de cocaína en 2007. Banali resucitou a banda en 2010, e na actualidade esta composta por el mesmo na batería, o vocalista Jizzy Pearl, o baixista Chuck Wright e o guitarrista Alex Grossi.
Discografía Álbums Álbum Ano Selo Quiet Riot 1978 CBS Sony Quiet Riot II 1978 CBS Sony Metal Health 1983 Pasha Records Condition Critical 1984 Pasha Records QR III 1986 Pasha Records/CBS QR 1988 Pasha Records/CBS Terrified 1993 Moonstone Record Down to the Bone 1995 Kamikaze Records Alive and Well 1999 Cleopatra Records Guilty Pleasures 2001 Bodyguard Rehab 2006 Chavis Records Quiet Riot 10 2014 RSM Records Road Rage 2017 Frontiers Records Hollywood Cowboys 2019 Frontiers Records
Véxase tamén Ligazóns externas Páxina oficial
Categoría:Grupos musicais dos Ánxeles Categoría:Grupos musicais de heavy metal Categoría:Grupos musicais de glam metal Categoría:Grupos musicais de hard rock Categoría:Grupos musicais formados en 1973