James Alan Hetfield, nado o 3 de agosto de 1963 en Downey (California), é o principal compositor, cofundador, vocalista, guitarrista rítmico e letrista da banda estadounidense de heavy metal Metallica.
Hetfield cofundou Metallica en outubro de 1981 tras responder un anuncio do batería Lars Ulrich no xornal dos Ánxeles The Recycler. Metallica ten gañados 9 premios Grammy e publicaron 9 álbums de estudio, 3 álbums ao vivo, 4 EPs e 24 sinxelos. En 2009 Hetfield foi colocado no posto 8 no libro de Joel McIver The 100 Greatest Metal Guitarists, e ocupou o número 24 na lista de Hit Parader dos 100 mellores vocalistas de metal de todos os tempos. Na enquisa de Guitar World, Hetfield foi situado como o 19 mellor guitarrista de todos os tempos. Ademais, a revista Rolling Stone elixíuno como o 87 mellor guitarrista de todos os tempos.
Categoría:Cantantes de California Categoría:Guitarristas dos Estados Unidos de América Categoría:Nados en 1963 Categoría:Nados en Downey Categoría:Estadounidenses de ascendencia inglesa Categoría:Compositores dos Estados Unidos de América