O Daytona International Speedway é un autódromo situado na cidade de Daytona Beach, no estado de Florida, Estados Unidos. Inaugurouse o día 22 de febreiro do ano 1959 por iniciativa de William France Sr., fundador da NASCAR, para substituír o Circuíto de Daytona. Na actualidade, o autódromo conta cunha capacidade de 168.000 espectadores.
O Daytona International Speedway ten dúas pistas principais. Unha delas é o óvalo de 4'023 quilómetros que ten forma de trióvalo e 31 graos de peralte nas curvas. Aquí dispútase a Daytona 500, unha carreira de 200 voltas que pertence ao calendario da Nascar Cup Series. É o trazado máis famoso dos dous.
A outra pista é un trazado mixto de 5.730 quilómetros que alberga as 24 horas de Daytona, unha das carreiras de resistencia máis importantes do mundo. Este trazado tamén serve para carreiras de motos.
Véxase tamén
Ligazóns externas Páxina web do circuíto
Categoría:Florida Categoría:Circuítos de carreiras dos Estados Unidos de América