Pobo alemán

Os alemáns (en ) son un pobo xermánico de Europa Central, con trazos culturais e históricos comúns, e que teñen o alemán como lingua propia.

Dos aproximadamente 100 millóns de falantes nativos de alemán do mundo, arredor de 70 millóns considéranse alemáns. Ademais, hai arredor de 80 millóns de persoas de ascendencia alemá en países como os Estados Unidos (alemáns americanos), o Brasil (alemáns brasileiros), a Arxentina (alemáns arxentinos) e na antiga Unión Soviética (principalmente alemáns de Rusia e alemáns de Casaquistán).

Coa fundación do estado moderno de Alemaña, que non incluíu todo o territorio de lingua alemá de Europa, o termo "alemáns" pasou tamén a designar aos habitantes deste país. Hoxe, a poboación de países con maiorías falantes de alemán como Austria, Suíza e Liechtenstein, teñen desenvolvido a súa propia identidade nacional, e especialmente dende o final da segunda guerra mundial non se refiren a eles mesmos como "alemáns" nun contexto moderno.

Notas

Categoría:Pobo alemán Categoría:Pobos xermánicos Categoría:Grupos étnicos de Europa Categoría:Grupos étnicos de Alemaña