Dean Jeffries Jagger, nado en Columbus Grove ou en Lima (Ohio) o 7 de novembro de 1903 e finado en Santa Monica (California) o 5 de febreiro de 1991 foi un actor estadounidense.
Traxectoria Durante a súa infancia abandonou a escola varias veces antes de chegar ao Wabash College. Finalmente tamén o deixou, dándose de conta de que a vida académica non era para el. Durante varios semestres ensinou todos os graos nunha escola elemental antes de marchar a Chicago.
Estudou interpretación no Lyceum Arts Conservatory de Chicago, uníndose a unha compañía como substituto de Spencer Tracy. Actuou en vodevís, na radio e no teatro, debutando en Broadway en 1925 nunha produción de George M. Cohan. Seguiu en Broadway durante as décadas de 1930 e 1940.
Jagger tivo o seu primeiro papel no cinema en The Woman from Hell (1929), con Mary Astor e o seu primeiro papel importante foi o protagonista de Brigham Young (1940).Church News, 7 de xullo de 2003. Foi un actor de carácter recoñecido que apareceu en case cen filmes e gañou o Oscar ao mellor actor secundario por Twelve O'Clock High (1949).
En 1947 intentou casar coa súa segunda esposa, Gloria Ling, mais foilles denegada a licenza de matrimonio en California pola lei estatal que "prohibe as unións entre caucásicos e mongois [sic]"; o pai de Ling nacera na China.
Participou en filmes coma The Robe (1953), White Christmas (1954), Bad Day at Black Rock (1955), con Spencer Tracy, King Creole (1958), onde interpretou o pai de Elvis Presley e Elmer Gantry. En 1956 rexeitou participar no filme británico de ciencia ficción X the Unknown porque o director, Joseph Losey, estaba na lista negra de Hollywood. Finalmente Losey foi apartado do proxecto e substituído por Leslie Norman.
Jagger tamén acadou éxito participando en series de televisión.
En 1972 Jagger foi bautizado como membro dos mormóns.
Filmografía
The Woman from Hell (1929) College Rhythm (1934) Wings in the Dark (1935) Home on the Range (1935) Thirteen Hours by Air (1936) Revolt of the Zombies (1936) Escape by Night (1937) Brigham Young (1940) Western Union (1941) The Men in Her Life (1941) Valley of the Sun (1942) The Omaha Trail (1942) The North Star (1943) When Strangers Marry (1944) Alaska (1944) I Live in Grosvenor Square (1945) (coñecido tamén como A Yank in London) Sister Kenny (1946) Pursued (1947) Driftwood (1947) C-Man (1949) Twelve O'Clock High (1949) Sierra (1950) Dark City (1950) Rawhide (1951) Warpath (1951) My Son John (1952) Denver and Rio Grande (1952) It Grows on Trees (1952) The Robe (1953) Executive Suite (1954) Private Hell 36 (1954) White Christmas (1954) Bad Day at Black Rock (1955) The Eternal Sea (1955) It's a Dog's Life (1955) Red Sundown (1955) On the Threshold of Space (1956) X the Unknown (1956) Three Brave Men (1956) The Great Man (1956) Bernardine (1957) Forty Guns (1957) O rebelde orgulloso (1958) King Creole (1958) Historia dunha monxa (1959) Cash McCall (1960) Elmer Gantry (1960) Parrish (1961) The Honeymoon Machine (1961) Billy Rose's Jumbo (1962) First to Fight (1967) Os malvados de Firecreek (1968) O día do revólver (1968) Smith! (1969) The Lonely Profession (1969, telefilme) A carta do Kremlin (1970) The Brotherhood of the Bell (1970, telefilme) Vanishing Point (1971) Incident In San Francisco (1971, telefilme) The Hanged Man (1974, telefilme) End of the World (1977) Game of Death (1978) Alligator (1980) Evil Town (1987)
Notas
Véxase tamén
Ligazóns externas
Categoría:Actores de cinema dos Estados Unidos de América Categoría:Actores de televisión dos Estados Unidos de América Categoría:Actores de teatro dos Estados Unidos de América Categoría:Actores de Ohio Categoría:Nados en Ohio Categoría:Nados en 1903 Categoría:Finados en 1991