Miniopterus aelleni é unha especie de morcego do xénero Miniopterus que vive en Anjouan (Comores) e no noroeste de Madagascar. Trátase dun morcego pequeno de cor marrón. Os antebrazos miden 35–41 mm. O tragus (unha proxección situada no bordo interior da orella) é longo, ten a base ampla e a punta roma ou arredondada. O pataxio (membrana caudal) ten poucos pelos. O padal é plano e ten diastemas ben visibles entre os cairos e os dentes premolares superiores.
As poboacións desta especie foron incluídas tradicionalmente na M. manavi, pero estudos publicados no 2008 e no 2009 indican que M. manavi é en realidade un complexo formato para cinco especies diferentes, incluída o Miniopterus aelleni. Polo xeral, o seu ámbito de distribución cadra co do M. griveaudi, outra especie anteriormente incluída en M. manavi.
Notas
Categoría:Animais descritos en 2009 Categoría:Quirópteros