María García Gómez, nada na Coruña en 1978, é unha técnico e educadora medioambiental e política galega.
Traxectoria Estudou Ciencias Medioambientais en León, Planificación e Desenvolvemento Local na Coruña e Medio Ambiente e Formación en Alemaña. Fala inglés, francés e alemán. miniatura|300px|Benito Portela, Marta Lois, Antón Sánchez García, María García, Xulio Ferreiro e Martiño Noriega en 2022. Traballou como educadora medioambiental en diversos programas, entre eles na planta municipal de tratamento de lixo de Nostián. Foi técnico municipal de Medio Ambiente en Carnota, onde xestionou o dispositivo de crise da marea negra do Prestige.
Durante oito anos en Alemaña participou en proxectos de desenvolvemento urbano sustentábel baseados na participación cidadá e a autoorganización. Desde o centro cultural da ufaFabrik (Best-Practice do programa Hábitat da ONU) desenvolveu proxectos europeos de transferencia do coñecemento con escolas de FP de Galiza, Alemaña, Portugal, Francia, Dinamarca e Letonia. Participou tamén en colectivos de defensa ambiental e de activismo cidadán.
Após as eleccións municipais de 2015 foi elixida Primeira Tenente de Alcalde e Concelleira de Medio Ambiente e Mobilidade Sostible no Goberno Municipal formado pola Marea Atlántica.
Véxase tamén Ligazóns externas Biografía de María García Gómez na web municipal.
Categoría:Concelleiros da Coruña Categoría:Concelleiros de Galicia durante a democracia Categoría:Nados na Coruña Categoría:Nados en 1978 Categoría:Alumnos da Universidade de León