El Imparcial foi un diario de ideoloxía liberal fundado polo galego Eduardo Gasset y Artime o 16 de marzo de 1867 e desaparecido en 1933. Foi un dos primeiros diarios de empresa, en contraposición aos diarios de partido.
Historia miniatura|esquerda|page=4|"Costumbres gallegas", por Rosalía de Castro, 28/3/1881. Foi o diario de maior difusión e influencia durante a rexencia de María Cristina de Habsburgo, mais comezou a perder prestixio debido aos seus vaivéns políticos, e especialmente tralo nomeamento do seu director, Rafael Gasset Chinchilla como ministro de Fomento de Francisco Silvela, en 1900. Trala súa instalación inicial na rúa de Mesonero Romanos, trasladouse a súa sede ao edificio madrileño deseñado por Daniel Zavala Álvarez na rúa Duque de Alba, 4 (praza de Tirso de Molina).
Tivo na sección cultural Los Lunes de El Imparcial a máis importante en lingua castelá durante décadas, coa colaboración habitual da plana maior da Xeración do 98: Miguel de Unamuno, Ramiro de Maeztu, Azorín, Pío Baroja…
Formou, canda El Liberal e o Heraldo de Madrid, a Sociedade Editorial de España, tamén coñecida como o "Trust", sendo, dos tres, o que estaba situado á dereita cun público máis burgués, temeroso de movementos obreiros e novos nacionalismos. Foi dirixido tamén polo xeneral Luis Bermúdez de Castro.
Notas
Véxase tamén
Bibliografía
Categoría:1867 Categoría:Xornais de Madrid Categoría:Xornais de España desaparecidos Categoría:Xornais en lingua castelá Categoría:1933