Chamaecyparis taiwanensis é unha especie de conífera da familia das cupresáceas (Cupressaceae), subfamilia das cupresoideas (Cupressoideae), unha das seis incluídas no xénero Chamaecyparis.

Coñecida como 台湾扁柏 en chinés simplificado e como 臺灣扁柏 en chinés tradicional (en pinyin, tái wān biǎn bǎi), é unha árbore endémica das montañas de Taiwán, onde crece en altitudes de 1 300 a 2 800 m.

Características Chamaecyparis taiwanensis é unha conífera de crecemento lento, que pode medrar até os 40 m de altura, cun tronco de até 2 m de diámetro. A casca do tronco é de cor café vermellada, aparece fisurada verticalmente e ten unha textura fibrosa. A follaxe está agrupada en ramiñas planas; nos adultos as follas son escuamiformes, de 0,8 a 1,5 mm de longo, con puntas agudas (a diferenza das puntas romas das follas da especie xaponesa estreitamente emparentada Chamaecyparis obtusa, e son verdes pola face, e tamén verde polo envés, pero presentando unha banda de estomas branca na base de cada folla; están dispostos en pares opostos en forma de X nos brotes. As follas dos espécimes xuvenís, encontradas en plantas de semilleiro novas, son como agullas de 4 a 8 mm de longo. Os conos son menores que os de C. obtusa, de 7 a 9 mm de diámetro e de forma globosa, con de 6 a 10 escamas dispostas en pares opostos. As froitos maduran en outono, a uns 7 ou 8 meses despois da polinización.

Taxonomía Descrición A especie foi descrita en 1933 polo botánico xaponés Genkei Masamune, residente en Taiwán desde a segunda guerra mundial, e polo tamén botánico xaponés Sigeyosi Suzuki, nun traballo publicado na páxina 57 do número 4 da revista Sylvia.Chamaecyparis taiwanensis Masam. & Suzuki no IPNI.Chamaecyparis taiwanensis Masam. & Suzuki en GRIN. Silvia é como se coñece a revista Forest Club Sylvia of the School of Forestry, da Taihoky Imperial University. Taihoku (Taipei).

Etimoloxía Para a do xénero, véxase Chamaecyparis.

O epíteto específico, taiwanensis, alude á illa onde a especie é endémica.

Sinónimos Ademais de polo nome actualmente válido, a especie coñéces tamén polos seguintes sinónimos:Chamaecyparis taiwanensis Masam. & Suzuki na GBIF. Chamaecyparis obtusa f. formosana Hayata Chamaecyparis obtusa var. formosana (Hayata) Hayata Cupressus obtusa subsp. formosana (Hayata) Silba Retinispora taiwanensis (Masam. & Suzuki) A.V.Bobrov & Melikyan

Especie semellante O falso ciprés xaponés hinoki que se encontra en Taiwán, é tratado pola maioría dos botánicos como unha variedade, a formosana, da especie Chamaecyparis obtusa. Pero outros considérano como variedade dunha especie distinta, a Chamaecyparis taiwanensis (sustentada polos botánicos taiwaneses,<ref>Hwang, S.-Y.; Lin, H.-W.; Kuo, Y. S. & Lin, T. P. (2001): "RAPD variation in relation to population differentiation of Chamaecyparis formosensis and Chamaecyparis taiwanensis". Bot. Bull. Acad. Sinica 42: 173-179</ref>Hwang, L.-H.; Hwang, S.-Y. & Lin, T.-P. (2000): "Low Chloroplast DNA Variation and Population Differentiation of Chamaecyparis formosensis and Chamaecyparis taiwanensis. Taiwan J. Forest Sci.. e aceptada pola xenaralidade da comunidade científica). Esta difire, entre outros aspectos, en que ten conos menores (de 6 a 9 mm de diámetro) con escamas máis pequenas e as follas cun ápice moito máis agudo (non obtuso). Ademais ambas as taxa difiren nos seus requirimentos ecolóxicos, xa que C. obtusa medra sobre todo en sitios secos, mentres que C. taiwanensis ocupa solos húmidos, en lugares con abundantes chuvias e necesita un aire así mesmo húmido.

Posíbeis nomes galegos Segundo as normas para a nomenclatura en linguas vulgares das especies vexetais, que aconsellan dar nomes diferentes ás especies de xéneros distintos, uns posíbeis nomes galegos para esta especie poderían ser falso ciprés de Taiwán ou camecíparis de Taiwán.

Notas

Véxase tamén Bibliografía Farjon, A. (2005): Monograph of Cupressaceae and Sciadopitys. Royal Botanic Gardens, Kew. ISBN 1-8424-6068-4. Farjon, A. (2010): A Handbook of the World's Conifers. 2 Vols. Leiden: Koninklijke Brill. ISBN 978-9-0474-3062-9. Mitchell, Alan (1979): Guía de campo de los árboles de Europa. Barcelona: Ediciones Omega, S. A. ISBN 84-2820-549-3. Rushforth, Keith D. (1987): Conifers. Nova York City, Nova York, EUA: Facts on File. ISBN 978-0-8160-1735-5. ISBN 0-7470-2801-X.

Outros artigos Cupresáceas Chamaecyparis Chamaecyparis obtusa''

Ligazóns externas Chamaecyparis taiwanensis Masam. & Suzuki na GBIF .

Categoría:Chamaecyparis Categoría:Coníferas Categoría:Plantas descritas en 1933 Categoría:Flora de Asia