Christine Marie Evert, coñecida como Chris Evert Lloyd entre 1979 e 1987, nada en Fort Lauderdale o 21 de decembro de 1954 é unha ex xogadora de tenis estadounidense. Gañou 18 campionatos individuais de Grand Slam e tres de dobres. Foi a número un do mundo a final dos anos 1974, 1975, 1976, 1977, 1978, 1980 e 1981. En xeral, gañou 157 campionatos individuais e 32 de dobres.
Evert acadou 34 finais individuais de Grand Slam, máis que ningún outro xogador na historia do tenis profesional. Mantén o récord de anos consecutivos (13) gañando polo menos un título de Grand Slam. En individuais, Evert chegou polo menos ás semifinais en 52 dos 56 torneos de Grand Slam que xogou. Evert nunca perdeu na primeira ou segunda rolda dun torneo individual de Grand Slam e só en dúas ocasións perdeu na terceira rolda.
A carreira de Evert ten unha porcentaxe de vitorias en partidos individuais de 89,96 % (1309–146), a máis alta da historia da era aberta do tenis, tanto en homes como en mulleres.
Evert foi presidenta da Women's Tennis Association en 1975–76 e 1983–91. Gañou o premio Philippe Chatrier e entrou no Salón da Fama do tenis internacional. Máis adiante, foi adestradora e analista de ESPN, ademais de ter unha liña de equipamento de tenis.
Notas
Véxase tamén
Bibliografía
Categoría:Tenistas femininas dos Estados Unidos de América Categoría:Nados en Fort Lauderdale Categoría:Nados en 1954 Categoría:Campións do Roland Garros Categoría:Campións do Campionato de Wimbledon Categoría:Campións do Open de Australia Categoría:Campións do US Open Categoría:Tenistas olímpicos dos Estados Unidos de América Categoría:Tenistas nos Xogos Olímpicos de 1988