Consalvo Sanesi, nado en Terranuova Bracciolini (Arezzo) o 28 de marzo de 1911, e finado en Milán o 28 de xullo de 1998, foi un piloto de automobilismo italiano.
Traxectoria Foi piloto de probas de Alfa Romeo F1 despois da segunda guerra mundial, e competiu en carreiras cos coches Alfa Romeo Tipo 158/159 no período anterior a creación do Campionato Mundial de Fórmula Un. Competiu en cinco Grandes Premios do Campionato do Mundo de Fórmula Un, debutando o 3 de setembro de 1950. Aínda que, na súa época, a súa experiencia cos autos significaba que era a miúdo un dos homes máis rápidos na pista de carreiras, dalgunha maneira isto raramente se traduciu en bos resultados. Logrou só 3 puntos de campionato. Atopou o éxito nas carreiras de automóbiles deportivos, continuando ata mediados da década de 1960.
En 1953, logrou a velocidade media máis rápida da etapa da Mille Miglia, 181´5 km/h, superando a grandes pilotos como Nino Farina e Juan Manuel Fangio, pero nesta ocasión o seu automóbil rompeu e non conseguiu rematar. Un ano máis tarde gañou na súa clase a Carreira Panamericana.
Sanesi participou cun Alfa Romeo na carreira Panamericana de novembro de 1954 en México. Na clase europea de turismo da carreira liderou cun tempo total de 8 horas, 29 minutos e 24 segundos. Foi superado polos seus compatriotas italianos de Alfa Romeo, Sergio Mantovani e Mario Della Favera.Hill Pacing Mexican Auto Race By 39 Seconds After 657 Miles, New York Times, 21 de novembro de 1954, Page S1. Un par de días despois Sanesi logrou unha vantaxe de 17 minutos no seu coche, co Alfa Romeo acadando as primeiras cinco posicións da división de coches de turismo europeos.Co-Pilot Is Killed In Mexican Event, New York Times, 23 de novembro de 1954, Page 31.
Deixou as carreiras de primeira liña tras sufrir un accidente case mortal durante a carreira das 12 horas de Sebring, cando tras un choque, o seu Alfa Romeo Giulia TZ estalou en chamas. Só as accións rápidas e valentes de Jocko Maggiocommo, un compañeiro piloto que miraba a carreira ao bordo da pista, que se meteu nás chamas e sacou a Sanesi, salváronlle a vida. Sanesi foi emparellado co piloto Roberto Bussinello no evento.Race Drivers Picked, New York Times, 18 de marzo de 1964, Page 51.
Maggiacomo recibiu o premio "Gentleman of the Road" (cabaleiro da pista) en novembro de 1964 polo seu esforzo no rescate de Sanesi. Maggiacomo foi o propietario da tenda de velocidade de Jocko en Poughkeepsie, Nova York. A mención presentouna o Milan Automobile Club.Italians Honor U.S. Mechanic, New York Times, o de novembro de 1964, Page 10.
Resultados completos na Fórmula Un (Chave) As carreiras en letra grosa indican pole position; as carreiras en cursiva indican volta rápida.
Ano Equipo Chasis Motor 1 2 3 4 5 6 7 8 Pos. Puntos Scuderia Alfa Romeo SpA Alfa Romeo 158 Alfa Romeo8 en liña GBR MON 500 SUI BEL FRA ITA NC 0 Scuderia Alfa Romeo SpA Alfa Romeo 159 Alfa Romeo8 en liña SUI 500 BEL FRA GBR ALE ITA ESP 12º 3
Notas
Véxase tamén
Categoría:Nados en 1911 Categoría:Nados na provincia de Arezzo Categoría:Finados en 1998 Categoría:Pilotos de Fórmula 1 de Italia Categoría:Pilotos de Fórmula 1 de Alfa Romeo Categoría:Pilotos das 24 Horas de Le Mans Categoría:Pilotos das 24 Horas de Spa