Irnatius AkawiTamén citado como Accani, Akkawi, Hakkani. (en ), nado en 1820 en Dair al-Qamar e finado o 7 de agosto de 1870, foi un eclesiástico melquita, arcebispo de Busra e Hauran, e padre conciliar no Concilio Vaticano Primeiro.
Traxectoria Naceu en Dair al-Qamar en 1820, aínda que algunhas fontes notan como lugar de nacemento Acre, probablemente por mor da súa labor pastoral. Realizou os seus estudos no mosteiro do Santo Salvador de Xun, e en 1837 entrou na Orde Basiliana do Santísimo Salvador. En 1844 foi ordenado sacerdote por Kirilus Fasfus, e posteriormente foi párroco en Sahla e en Acre.
O 21 de novembro de 1859 foi nomeado arcebispo de Busra e Hauran, cun territorio que abranguía partes das actuais Siria e Xordania. Recibiu a consagración episcopal de mans do patriarca Clemente I Bahuz o 22 de novembro. Xunto ao bispo de Acre Yusif axudou a unir á súa orde, internamente dividida. O 17 de xuño de 1867 foi nomeado prelado asistente ao trono pontificio.
En 1868 foi galardoado coa Orde de Mecidiye polo sultán Abdülaziz. Foi padre conciliar no Concilio Vaticano Primeiro. Finou no cargo o 7 de agosto de 1870.
Notas
Categoría:Nados en 1820 Categoría:Nados na gobernación do Monte Líbano Categoría:Finados en 1870 Categoría:Bispos católicos de Siria Categoría:Bispos católicos do Líbano Categoría:Bispos católicos de Xordania Categoría:Bispos da Igrexa católica greco-melquita Categoría:Bispos católicos do século XIX Categoría:Participantes no Concilio Vaticano Primeiro Categoría:Basilianos salvadorianos Categoría:Relixiosos católicos do Líbano