Manuel Jesús Juncal Paredes, nado en Moaña cara a 1898 e finado en Vigo o 12 de maio de 1937, foi un mestre e político galego.
Traxectoria Fillo de Francisco Juncal Currás. Foi mestre interino en Moaña (1921), en 1923 foi destinado a San Mateo de Oliveira (Ponteareas), en 1925 a Tameiga, despois a Nespereira (Pazos de Borbén) e en 1933 coa súa muller ás Escolas Graduadas do Porriño.La Voz de Galicia, 18-5-1933, p. 6. Foi alcalde de Pazos de Borbén. Militante de Izquierda Republicana, foi vocal do Comité pro-Autonomía de Galicia do Porriño en xuño de 1936.El Pueblo Gallego, 24-6-1936, p. 2. Co golpe de Estado do 18 de xullo de 1936 foi detido. Xulgado en consello de guerra, foi fusilado o 12 de maio de 1937.El Pueblo Gallego, 13-5-1937, p. 2. Foi separado do servizo e baixa na escala en xaneiro de 1941.
Vida persoal
Casou coa tamén mestra María Clotilde Gayoso Rodríguez en 1924.Vida Gallega, 30-6-1924, p. 33.
Notas
Categoría:Profesores de Galicia Categoría:Alcaldes de Pazos de Borbén Categoría:Alcaldes de Galicia durante a II República Categoría:Asasinados polo bando nacional en Galicia
Categoría:Nados en Moaña
Categoría:Nados en 1898
Categoría:Finados en 1937
Categoría:Fusilados