David Dean O'Keefe, nado en 1824 ou 1828 e finado en 1901 no barco Santa Cruz, foi un capitán de barco de orixe irlandesa que se converteu nun persoeiro histórico e político da illa de Yap na Micronesia, no Pacífico Sur."David Dean O'Keefe". En Beachcombers, Traders & Castaways in Micronesia .Hezel, F. X. (2008).Dash, M. (2011).
Traxectoria O'Keefe emigrou aos Estados Unidos en 1848 e estableceuse en Savannah, no Estado de Xeorxia. En 1871, como capitán de barco Belvedere, colleu rumbo ao Pacífico Sur, cara a Manila. En 1872 chegou por primeira vez a Yap, a bordo do Wreker, e alí traballou polo menos ata 1875 na empresa Webster & Cook, de Singapur, antes de establecerse como comerciante pola súa conta, con establecementos en Yap, en Palau e en Mapia. O'Keefe adquiriu varias embarcacións coas que levaba copra ata Hong Kong. En Yap chegou a adquirir moito poder ao proporcionarlle á poboación local ferramentas de ferro procedentes de Hong Kong e doutros lugares de Asia Oriental para facilitar a produción das tradicionais moedas de pedra características daquelas illas."Stone Money". En BBC News.
Por mor da riqueza que adquiriu concedéuselle a propiedade dunha illa (a actual Tarang) na que era considerado como un rei."NRHP nomination for O'Keefe's Island". US Departement of Interior. National Park Service. O seu emblema consistía nunha bandeira estadounidense ondeando sobre as letras "OK". Chegou a ter dúas esposas yapesas, coas que tivo varios fillos na illa, malia estar xa casado en Savannah, onde tiña tamén unha filla.
O'Keefe faleceu en 1901 no barco Santa Cruz, co que regresaba a Savannah, como resultado dun tifón, e deixou unha fortuna de arredor de medio millón de dólares.
O libro titulado His Majesty O'Keefe (1950), de Laurence Kingman, céntrase na vida deste mariño en Yap, do mesmo xeito que a longametraxe homónima de 1954 (estreada en España co título de Su majestad de los mares del sur), dirixida por Byron Haskin e protagonizada por Burt Lancaster.Klingman, Lawrence; Green, Gerald (1950). His Majesty O'Keefe. Charles Scribner's Sons. Nova York."His Majesty O'keefe". En IMDb.
Notas
Véxase tamén Bibliografía Hezel, F. X. (2008). "The Man Who Was Reputed to be King: David Dean O'Keefe". En Journal of Pacific History, Vol. 43, Nº 2. Páxinas 239-252. Dash, M. (2011). "David O’Keefe: The King of Hard Currency". En Smithsinian.com. 28 de xullo de 2011.
Outros artigos Yap Moeda de pedra
Categoría:Nados en 1824 Categoría:Finados en 1901 Categoría:Estadounidenses de ascendencia irlandesa Categoría:Mariñeiros Categoría:Yap Categoría:Micronesia Categoría:Personalidades sen imaxes