miniatura|Hospital Irmáns Ameijeiras visto dende o centro histórico; en fronte da torre do hospital está o Malecón habaneiro O Hospital Hermanos Ameijeiras, oficialmente Hospital Clínico Quirúrgico «Hermanos Ameijeiras», é o hospital público líder de Cuba, situado en Centro Habana, sendo a súa torre ben visible desde o Malecón habaneiro entre o centro histórico e o barrio de Vedado.
Inaugurouse o 3 de decembro de 1982 no edificio no cal antes da Revolución cubana destinaríase ao Banco Central de Cuba.
Está situado nas rúas San Lázaro e Belascoaín no Centro Habana . O terreo mide 35.500 m² e o edificio ten unha superficie de 79.500 m². A sala de recepción mide 75 m por 45 m cun teito de 15 m, e murais do artista Sandú Darié Laver.Juan de las Cuevas Toraya, 500 años de construcciones en Cuba, p. 345. Havana, 2001, Servicios Gráficos y Editoriales, S.L.
Historia
Orixe e nome O terreo foi ocupado dende 1852 ata a década dos cincuenta pola Casa de Beneficencia e Maternidade da Habana.
Ao triunfo da revolución en 1959, o edificio estaba medio construído, ía ser o Banco Nacional de Cuba e albergar dependencias como a Bolsa de Valores. Finalmente, o novo estado cubano decidiu completar a construción e facer do edificio un hospital, que se abriu 23 anos despois, en 1982.
Co seu nome significativo, o hospital lembra aos irmáns Ameijeiras, mártires da loita revolucionaria que medraron nas proximidades do edificio.
Aparición na película Sicko Na película Sicko de Michael Moore, Moore levou a Cuba a un grupo de estadounidenses para ensinar como serían tratados alí, para demostrar que un sistema médico socialista como o de Cuba podería prestar un mellor servizo aos pacientes que nos Estados Unidos, onde estes pacientes carecían de cartos para pagar as altas facturas do sistema privado norteamericano.
Notas
Véxase tamén
Ligazóns externas Sitio oficial .
Categoría:Hospitais Categoría:A Habana