30 monedas é unha serie de televisión española de misterio e terror dirixida por Álex de la Iglesia para HBO. O guión, escrito por Jorge Guerricaechevarría xunto con Álex de la Iglesia, conta a historia do Padre Vergara, un cura exorcista exiliado en Pedraza, unha vila pequena da provincia de Segovia onde se agocha dos seus inimigos. A serie estreouse o 29 de novembro de 2020 en HBO Europa.
A serie preestreou o primeiro episodio o 11 de setembro na Sección Oficial do Festival de Cinema de Sitges. En agosto de 2021 o director, Álex de la Iglesia, anunciou que a segunda temporada estaba en proceso. A rodaxe da segunda entrega comezou en febreiro de 2022 e estreouse o 23 de outubro de 2023. Dende o inicio do proxecto, De la Iglesia manifestou que a serie tería unha extensión ideal de 3 temporadas.
Sinopse O Padre Vergara (Eduard Fernández) é un cura exorcista e expresidiario que vive en Pedraza (Segovia) para esquecer o seu pasado e comezar unha nova vida. Porén, axiña comezan a suceder fenómenos paranormais e terá que contar coa axuda de Paco, o alcalde (Miguel Ángel Silvestre), e Elena, a veterinaria da vila (Megan Montaner) para resolver o misterio dunha moeda que podería formar parte das trinta moedas de prata que recibiu Xudas pola súa traizón a Xesucristo. Os tres protagonistas acabarán no centro dunha conspiración global que involucra a propia Santa Sé e que ameaza o mundo como o coñecemos.
Elenco Principal Eduard Fernández como Padre Manuel Vergara Megan Montaner como Elena Miguel Ángel Silvestre como Paco Macarena Gómez como Merche Secundario Pepón Nieto como Sarxento Lagunas Manolo Solo como Cardeal Santoro Cosimo Fusco como Angelo Carmen Machi como Carmen Paco Tous como Jesús Secun de la Rosa como Martín Javier Bódalo como Antonio
Capítulos Número Título Dirixido por Escrito por Data de lanzamento 1 "Telarañas" Álex de la Iglesia Álex de la Iglesia e Jorge Guerricaechevarría 29 de novembro de 2020 2 "Ouija" Álex de la Iglesia Álex de la Iglesia e Jorge Guerricaechevarría 6 de decembro de 2020 3 "El Espejo" Álex de la Iglesia Álex de la Iglesia e Jorge Guerricaechevarría 13 de decembro de 2020 4 "Recuerdos" Álex de la Iglesia Álex de la Iglesia e Jorge Guerricaechevarría 20 de decembro de 2020 5 "El doble" Álex de la Iglesia Álex de la Iglesia e Jorge Guerricaechevarría 27 de decembro de 2020 6 "Guerra Santa" Álex de la Iglesia Álex de la Iglesia e Jorge Guerricaechevarría 3 de xaneiro de 2021 7 "La caja de cristal" Álex de la Iglesia Álex de la Iglesia e Jorge Guerricaechevarría 10 de xaneiro de 2021 8 "Sacrificio" Álex de la Iglesia Álex de la Iglesia e Jorge Guerricaechevarría 17 de xaneiro de 2021
Notas
Véxase tamén Ligazóns externas Páxina web de 30 monedas en HBO 30 monedas en FilmAffinity
Categoría:Series de televisión en lingua castelá Categoría:Series de televisión en lingua italiana Categoría:Series de televisión de España Categoría:Series de televisión iniciadas en 2020 Categoría:Series de televisión da HBO