José David Pita Breijo, nado en Ferrol en 1982, é un político galego do PSdeG. Traxectoria Licenciouse en administración e dirección de empresas pola Universidade da Coruña en 2006. Traballou como secretario da confraría de pescadores de Barallobre (Fene) dende 2013. Militantes socialista e responsable de políticas municipais na executiva local, á morte do candidato socialista á alcaldía naronesa, Octavio Dopico, a pouco das eleccións municipais de 2019 a executiva galega do partido elixiuno para encabezar a lista do PSdeG-PSOE ao concello. Nas eleccións a candidatura que lideraba logrou tres concelleiros, aumentando un o número de edís, e chegou a un acordo con TEGA para a formación dun goberno bipartito e Pita converteuse en segundo tenente de alcalde e concelleiro de promoción económica.
Notas
Categoría:Alumnos da Universidade da Coruña Categoría:Concelleiros de Narón
Categoría:Concelleiros de Galicia polo PSdeG-PSOE
Categoría:Nados en Ferrol
Categoría:Nados en 1982 Categoría:Personalidades de Galicia sen imaxes