miniatura|Dende arriba, no sentido das agullas do reloxo: edificio de ensamblaxe de vehículos, área de aterraxe dos transbordadores, contro de control dos lanzamentos, complexo de visitantes, edificio da sede do KSC e transbordador espacial Endeavour no complexo de lanzamento 39A O Centro Espacial John F. Kennedy (KSC, orixinalmente coñecido como o Centro de Operacións de Lanzamento da NASA), situado na illa Merritt, Florida, é un dos dez centros de campo da Administración Nacional para a Aeronáutica e o Espazo (NASA). Dende decembro de 1968, o KSC foi o principal centro de lanzamento de voos espaciais con humanos da NASA. As operacións de lanzamento dos programas Apollo, Skylab e os transbordadores espaciais leváronse a cabo dende o Complexo de Lanzamento do Centro Espacial Kennedy 39 e xestionáronse polo KSC. Situado na costa leste de Florida, KSC está adxacente á Estación da Forza Espacial de Cabo Cañaveral (CCSFS). A dirección das dúas entidades traballan moi xuntas, comparten recursos e operan instalacións na propiedade da outra.
Aínda que os primeiros voos Apollo e todos os voos dos proxectos Mercury e Gemini engalaron da estación da Forza Aérea do entón Cabo Cañaveral; os lanzamentos foron xestionados pola KSC e a súa anterior organización, a Dirección de Operacións de Lanzamento. A partir da cuarta misión Gemini, o centro de control de lanzamento da NASA en Florida (Mercury Control Center, máis tarde Launch Control Center) comezou a entregar o control do vehículo ao Mission Control Center de Houston, pouco despois da engalaxe; en misións anteriores mantivo o control durante toda a misión.
Ademais, o centro xestiona o lanzamento de misións de tripulación robótica e comerciais e investiga a produción de alimentos e a utilización de recursos in situ para a exploración fóra da Terra. Dende 2010, o centro traballou para converterse nun porto espacial multiusuario a través de asociacións coa industria, mesmo engadindo unha nova plataforma de lanzamento (LC-39C) en 2015.
Hai preto de 700 instalacións e edificios agrupados nos 580 km2 do centro. Entre as instalacións únicas de KSC atópanse o edificio de montaxe de vehículos de 160 metros de altura para ensamblar os foguetes máis grandes da NASA, o Launch Control Center, que realiza lanzamentos espaciais no KSC, o Operations and Checkout Building, que alberga os cuartos dos astronautas, unha fábrica da estación espacial e unha instalación de aterraxe de 4,8 km de lonxitude. Tamén hai un complexo de visitantes aberto ao público.
Notas
Véxase tamén
Bibliografía
Middleton, Sallie. "Space Rush: Local Impact of Federal Aerospace Programs on Brevard and Surrounding Counties," Florida Historical Quarterly, outono de 2008, Vol. 87 Issue 2, pp 258–289
Ligazóns externas Kennedy Space Center Web site Kennedy History Vault Spaceport News KSC Employee Magazine KSC Visitor Complex Web site Streaming audio of KSC radio communications Astronauts Memorial Foundation Web site "America's Space Program: Exploring a New Frontier", a National Park Service Teaching with Historic Places lesson plan "Aviation: From Sand Dunes to Sonic Booms", a National Park Service Discover Our Shared Heritage travel itinerary A Field Guide to American Spacecraft U.S. Space Program in Florida
Categoría:Cosmódromos Categoría:NASA Categoría:Florida