Ursula Rakova, nada no illote de Han, é unha ecoloxista e activista do cambio climático de Papúa-Nova Guinea, premiada polas súas contribucións ambientais ao desenvolvemento do seu país.
Traxectoria Naceu no illote de Han, no atol das illas Carteret. En 2005 estableceu un sistema de educación comunitaria en Bougainville como alternativa ao errado sistema escolar público. En 2006, fundou Tulele Peisa, unha organización sen ánimo de lucro para axudar ao seu pobo a recolocarse, xa que as illas Carteret estaban cada vez máis expostas á suba do nivel do mar.
Como Directora executiva desta organización é a responsable de organizar o traslado dos habitantes das illas Carteret ao continente da provincia de Bougainville. O primeiro asentamento estableceuse en Tinputz. Prevese que as illas deixarán de ser habitables no ano 2040, o que converterá ao pobo de Rakova nos primeiros refuxiados ambientais do mundo.
Rakova axudou a establecer varias ONG ambientais en Papua-Nova Guinea e Bougainville. Coordinou un caso legal histórico no que os warangoi demandaron con éxito aos madeireiros ilegais e obtiveron unha compensación polos seus recursos forestais roubados. Creou Bougainville Cocoa Net Limited para axudar aos insulares recolocados en Carteret a mellorar a rendibilidade e a vitalidade das familias e comunidades de pequenos agricultores de cacao en Papúa-Nova Guinea, producindo cacao de comercio xusto.
Recoñecementos En 2008, Rakova foi galardoada co premio Pride of PNG (Orgullo de Papúa-Nova Guinea) polas súas contribucións ambientais ao desenvolvemento do seu país.
Notas
Véxase tamén Ligazóns externas Información do proxecto Bougainville Cocoa Net Limited. Entrevista a Ursula Rakova en "The Climate 25", en Vimeo.
Categoría:Ecoloxistas de Papúa-Nova Guinea Categoría:Nados no século XX Categoría:Nados en Indonesia Categoría:Activistas de Papúa-Nova Guinea