The Lightning Thief é un libro de Rick Riordan. É o primeiro libro da serie Percy Jackson e os deuses olímpicos, que conta as aventuras dun rapaz actual de doce anos, Percy Jackson, cando descobre que é un semideus ; o fillo dun mortal, Sally Jackson, e do deus grego, Poseidón. Percy e os seus amigos fan unha procura para evitar unha guerra apocalíptica entre os deuses gregos Zeus e Poseidón.
Rick Riordan rematou de escribir o manuscrito en 1994. The Lightning Thief foi inicialmente aceptado por Bantam Books en 1997 e posteriormente vendido nunha poxa de Miramax Books, antes de ser lanzado o 28 de xullo de 2005. O libro vendeu máis de 1,2 millóns de exemplares nos seguintes catro anos, aparecendo na lista de libros máis vendidos para nenos do New York Times e figurando nun dos mellores libros para adultos novos da Asociación de Servizos de Bibliotecas para Adultos Novos (Young Adult Library Services), entre outros premios.
Adaptouse a unha película chamada Percy Jackson & the Olympians: The Lightning Thief, que se estreou nos Estados Unidos o 12 de febreiro de 2010. A continuación deste libro vai The Sea of Monsters.
Argumento The Lightning Thief utiliza conceptos da mitoloxía grega nun ambiente moderno. O libro tamén está escrito cun estilo humorístico de ritmo rápido; do mesmo xeito, baséase ambiguamente no mito de Perseo.
Profecía O Oráculo de Delfos dille a Percy Jackson:
Irás cara ao oeste, onde te enfrontarás ao deus que se rebelou. Atoparás o roubado e devolveralo. Serás traizoado por quen di ser o teu amigo. Ao final, non conseguirás salvar o máis importante...
Cumprimento da profecía " Irás cara ao oeste, onde te enfrontarás ao deus que se rebelou ". - Percy loitou contra Ares, cando se revelou contra o Olimpo. " Atoparás o roubado e o devolverás ". - Percy atopa o Raio Mestre de Zeus e o casco da escuridade de Hades e devólveos aos seus donos. " Serás traizoado por quen afirma ser o teu amigo ". - Luke revela ser o espía de Cronos e, polo tanto, o seu inimigo. " Ao final, non poderás salvar o máis importante. " - Percy non salva á súa nai, pero, ao final, ela salvase a si mesma.
Continuación
The Lightning Thief é o primeiro libro da saga "Percy Jackson e os deuses do Olimpo", que continúa con The Sea of Monsters. Alí, Percy e Annabeth rescatan a Grover que foi preso por Polifemo, o Ciclope, e recuperan o vélaro de ouro para salvar o campamento Mestizo. Están acompañados polo medio irmán de Percy, Tyson, un ciclope e Clarisse La Rue, nesta misión.
Notas
Categoría:Obras literarias de 2005 Categoría:Obras literarias en inglés Categoría:Novelas de Rick Riordan Categoría:Novelas de aventuras