Fernando López Mantiñán, nado en Rutis (Culleredo) o 13 de febreiro de 1909 e finado na Coruña o 17 de febreiro de 1978,Necrolóxica en La Voz de Galicia, 18-2-1978, p. 16. foi un carpinteiro e sindicalista galego.
Traxectoria Carpinteiro. Afiliado á CNT. Co golpe de Estado do 18 de xullo de 1936 foi detido. Posto en liberdade pouco despois, foi detido novamente en marzo de 1937 no intento de fuxida do Portiño no Monte de San Pedro."Se ahogan en San Pedro varios marxistas", Hoja Oficial del Lunes, 8-3-1937, p. 6.El Ideal Gallego, 9-3-1937, p. 4.El Correo Gallego, 9-3-1937, p. 2. Xulgado en consello de guerra na Coruña o 5 de xuño,El Ideal Gallego, 6-6-1937, p. 2. foi condenado a cadea perpetua. Concedéronlle a prisión atenuada en xuño de 1940. Militou na clandestinidade na CNT, formou con Juan García Durán e Félix Álvarez Arganzúa o primeiro comité clandestino da CNT da Coruña do que foi secretario. Logo foi nomeado tesoureiro do primeiro comité rexional galego da CNT. Foi reclamado polo Xulgado Militar da Coruña en novembro de 1945,BOP A Coruña, 28-11-1945 p. 4. e polo Xulgado Militar de Vigo en xullo de 1947.La Voz de Galicia, 10-8-1947, p. 2. Logrou escapar da onda de detencións e marchou a Cádiz, onde embarcou para Tánxer. Nos primeiros anos cincuenta estaba no Senegal e cara a 1953 emigrou a Australia, instalándose en Camberra e deixando a militancia na CNT. Retornado a Galicia en 1969, foi arrestado en Tui, pero foi liberado ao pouco tempo.
Vida persoal Casou con Felicidad Monroy Ramos e foi pai de Fernando e Ricardo López Monroy.
Notas
Véxase tamén Bibliografía
Ligazóns externas
Apuntes para unha enciclopedia histórica do anarquismo galego (L) Ficha no Repertorio biobibliográfico do exilio galego
Categoría:Sindicalistas da CRG Categoría:Represaliados polo franquismo Categoría:Exilio galego Categoría:Galegos de Australia Categoría:Nados en Culleredo Categoría:Nados en 1909
Categoría:Finados en 1978 Categoría:Carpinteiros