Clara Lou "Ann" Sheridan, nada en Denton, Texas, o 21 de febreiro de 1915 e finada nos Ánxeles o 21 de xaneiro de 1967, foi unha actriz e cantante estadounidense.

Traxectoria Clara Lou Sheridan naceu en Denton, Texas, en 1915, a máis nova dos cinco fillos (Kitty, Pauline, Mabel e George) de George W. Sheridan e Lula Stewart (de solteira Warren). Cando era estudante, a súa irmá Kitty enviou unha fotografía dela a Paramount Studios. Como consecuencia diso gañou un concurso de beleza, que como parte do premio incluía aparecer nun filme do estudio. Abandonou os estudos para facer carreira en Hollywood.

Debutou no cinema en 1934, aos dezanove anos, no filme Search For Beauty, e durante uns anos participou en diversos filmes da Paramount sen constar nos títulos de crédito. Como outros colegas contratados, Sheridan traballou coa profesora de teatro da Paramount Nina Mouise e representou obras no estudio como The Milky Way e The Pursuit of Happiness. Cando estaba en The Milky Way, Paramount decidiu cambiarlle o nome polo da súa personaxe no filme, Ann.

En 1935, Paramount renunciou a renovarlle o contrato. Sheridan rodou Fighting Youth (1935) para Universal e entón asinou un contrato con Warner Bros. en 1936.

A carreira de Sheridan comezou a mellorar. A beleza rubia axiña se converteu no máximo sex symbol da Warner. "Oomph" describiuse como "un algo indefinible que dirixe o interese masculino". En marzo de 1939, Warner Bros. anunciou que Sheridan fora votada por un comité de 25 homes como a actriz con máis "oomph" dos Estados Unidos. Tras iso, foi etiquetada como "The Oomph Girl", alcume que dixo que detestaba."Ann Sheridan, Actress, Born Clara Lou Sheridan on Feb. 21, 1915 in Denton, Texas, Died Jan. 21, 1967 of cancer in Los Angeles, California", by Paul Houston, Los Angeles Times, 22 de xaneiro de 1967"When a Woman Could Be an Oomph Girl", by Art Rogoff, The New York Times, 12 de setembro de 1988."The Oomph Girl" , Classic Cinema Gold, 21 de febreiro de 2012 Sheridan foi unha popular pin-up a principios da década de 1940.

Recibiu papeis importantes, así como reaccións positivas tanto da crítica como do público en filmes como Angels with Dirty Faces (1938), xunto a James Cagney e Humphrey Bogart; Dodge City (1939) con Errol Flynn e Olivia de Havilland; Torrid Zone con Cagney (1940); They Drive by Night con George Raft e Bogart (1940); The Man Who Came to Dinner (1942) con Bette Davis, e Kings Row (1942), onde compartiu a cabeceira do elenco con Ronald Reagan, Robert Cummings e Betty Field. Coñecida pola súa boa voz para o canto, Sheridan tamén participou en musicais como Thank Your Lucky Stars (1943) e Shine On, Harvest Moon (1944). Dúas das súas mellores interpretacións foron nos éxitos Nora Prentiss e The Unfaithful, ambos de 1947.

A pesar destes éxitos, a súa carreira comezou a declinar. O seu papel en I Was a Male War Bride (1949), dirixido por Howard Hawks e interpretado por Cary Grant, deulle outro grande éxito, mais na década de 1950 foille complicado atopar traballo e as súas aparicións na pantalla foron esporádicas.

Sheridan apareceu na serie de televisión Another World a mediados dos anos sesenta, e despois iniciou un papel na serie Pistols 'n' Petticoats. Enfermou durante a rodaxe da primeira temporada e faleceu por mor dun cancro de esófago con metástase no fígado. O 19.º episodio da serie, "Beware the Hangman", emitiuse como estaba previsto o mesmo día dos eu pasamento en 1967."Pistols and Petticoats", en Single Season Sitcoms, 1948–1979: A Complete Guide, por Bob Leszczak (McFarland, 2012) p155 Sheridan fora unha fumadora empedernida. O seu corpo foi incinerado e as súas cinzas depositáronse no crematorio Chapel of the Pines dos Ánxeles ata que se enterraron definitivamente no Hollywood Forever Cemetery en 2005.

Pola súa contribución á industria cinematográfica, Ann Sheridan ten unha estrela no Paseo de la Fama de Hollywood, no 7024 de Hollywood Boulevard.

Vida persoal Sheridan casou co actor Edward Norris en Ensenada, México o 16 de agosto de 1936. Separáronse o ano seguinte e divorciáronse en 1939. Casou en 1942 co seu compañeiro da Warner Bros. George Brent, mais divorciáronse xusto un ano despois. Tralo seu divorcio, tivo unha relación co publicista Steve Hannagan que durou ata a morte del en 1953. Hannagan legou a Sheridan 218 399 dólares.May 7, 1956; Stephen J Hannagan Will; File No. P 440/1953; Surrogates Court in the County of New York; Hall of Records. O 5 de xuño de 1966 casou co actor Scott McKay, co que estaba cando morreu sete meses despois. Sheridan non tivo fillos.

Filmografía

Search for Beauty (1934) Bolero (1934) Come on Marines (1934) Murder at the Vanities (1934) Shoot the Works (1934) Kiss and Make Up (1934) The Notorious Sophie Lang (1934) Ladies Should Listen (1934) You Belong to Me (1934) Wagon Wheels (1934) The Lemon Drop Kid (1934) Mrs. Wiggs of the Cabbage Patch (1934) Ready for Love (1934) Star Night at the Coconut Grove (1934, curtametraxe) Behold My Wife (1934) Limehouse Blues (1934) Enter Madame (1935) One Hour Late (1935) Home on the Range (1935) Rumba (1935) Car 99 (1935) Rocky Mountain Mystery (1935) Mississippi (1935) The Red Blood of Courage (1935) The Glass Key (1935) The Crusades (1935) Hollywood Extra Girl (1935, curtametraxe) Fighting Youth (1935) Sing Me a Love Song (1937, escenas eliminadas) Black Legion (1937) The Great O'Malley (1937) San Quentin (1937) Wine, Women, and Horses (1937) The Footloose Heiress (1937) Alcatraz Island (1937) She Loved a Fireman (1937) The Patient in Room 13 (1938) Out Where the Stars Begin (1938, curtametraxe) Mystery House (1938) Little Miss Thoroughbred (1938) Cowboy from Brooklyn (1938) Letter of Introduction (1938) Broadway Musketeers (1938) Angels with Dirty Faces (1938) They Made Me a Criminal (1939) Dodge City (1939) Naughty But Nice (1939) Winter Carnival (1939) Indianapolis Speedway (1939) The Angels Wash Their Faces (1939) Castle on the Hudson (1940) It All Came True (1940) Torrid Zone (1940) They Drive by Night (1940) City for Conquest (1940) Honeymoon for Three (1941) Navy Blues (1941) The Man Who Came to Dinner (1942) Kings Row (1942) Juke Girl (1942) Wings for the Eagle (1942) George Washington Slept Here (1942) Edge of Darkness (1943) Thank Your Lucky Stars (1943) Shine On, Harvest Moon (1944) The Doughgirls (1944) One More Tomorrow (1946) Nora Prentiss (1947) The Unfaithful (1947) The Treasure of the Sierra Madre (1948, cameo) Silver River (1948) Good Sam (1948) I Was a Male War Bride (1949) Stella (1950) Woman on the Run (1950, tamén coprodutora) Steel Town (1952) Just Across the Street (1952) Take Me to Town (1953) Appointment in Honduras (1953) Come Next Spring (1956) The Opposite Sex (1956) Woman and the Hunter (1957) The Far Out West (1967)

Notas

Véxase tamén

Ligazóns externas Galería de fotos de Ann Sheridan Ann Sheridan biografía Tumba de Ann Sheridan Entrevista con el biógrafo de Ann Sheridan

Categoría:Nados en Texas Categoría:Nados en 1915 Categoría:Finados en 1967 Categoría:Actores de Texas Categoría:Actores de cinema dos Estados Unidos de América Categoría:Actores de teatro dos Estados Unidos de América Categoría:Actores de televisión dos Estados Unidos de América Categoría:Paseo da Fama de Hollywood Categoría:Finados por cancro