En anatomía, o termo proximal (T.A.: proximalis, do latín proximus, "próximo") é un adxectivo que indica proximidade cara ao punto de orixe ou inserción dun órgano, unha parte, ou calquera punto de referencia.proximal, no Dicionario da RAG.proximal, no Diccionario galego de termos médicos. Por exemplo, a coxa é máis proximal ao corpo que o pé, ou a perna é proximal ao pé.
En odontoloxía, refírese á superficie dun dente contigua á do dente adxacente.
É o termo oposto a distal.
Estruturas nas que se usa o termo
Arco transverso proximal do pé (T.A.: arcus pedis transversus proximalis), parte proximal dun dos tres arcos que forman a bóveda plantar. Falanxe proximal dos ósos dos dedos da man e os ósos dos dedos do pé (T.A.: phalanx proximalis), primeira falanxe dos dedos da man ou dos dedos do pé. Articulación radiocubital proximal (T.A.: articulatio radioulnaris proximalis), parte da articulación do cóbado. Cara proximal (T.A.: facies approximalis) do dente. Porción proximal da próstata (T.A.: pars proximalis prostatae). Porción supracolicular da uretra (T.A.: pars proximalis urethrae prosticae). Arterias estriadas mediais proximais (T.A.: arteriae striatae mediales proximales), ramas da arteria cerebral anterior. Ramas estriadas proximais laterais das arterias centrais anterolaterais (T.A.: rami striati proximales laterales arteria centralium anterolateralium), ramas á súa vez da arteria cerebral media. Ganglio proximal, un dos ganglios linfáticos inguinales profundos (T.A.: nodus lymphaticus inguinales profundi proximalis).
Notas
Categoría:Anatomía Categoría:Termos médicos