O Grumman F6F Hellcat é un caza embarcado estadounidense da segunda guerra mundial. Deseñado para substituír o anterior F4F Wildcat e contrarrestar ao Mitsubishi A6M Zero xaponés, foi o caza dominante na Armada dos Estados Unidos na segunda metade da campaña do Pacífico. Nese rol prevaleceu sobre o seu competidor máis rápido, o Vought F4U Corsair, que tivo problemas de visibilidade e coas aterraxes en portaavións.
Impulsado por un Pratt & Whitney R-2800 Double Wasp de 2 000 cabalos, o mesmo motor usado tanto polo Corsair como polo Republic P-47 Thunderbolt da USAAF, o F6F era un deseño completamente novo, pero asemellábase ao Wildcat en moitos aspectos.Thruelsen 1976, p. 135 Algúns observadores militares etiquetaron ao Hellcat como o "irmán maior do Wildcat".Sullivan 1979, p. 4.
O F6F fixo a súa estrea en combate en setembro de 1943, e foi coñecido sobre todo como un caza embarcado resistende e ben deseñado, que era capaz de superar ao A6M Zero e axudar a asegurar a superioridade aérea no teatro do Pacífico. En total 12 275 unidades foron construídas en pouco máis de dous anos.Kinzey 1996, p. 4
Os Hellcat foron acreditados coa destrución de 5 223 aeronaves inimigas en servizo coa Armada dos Estados Unidos, o Corpo de Marines, e na Fleet Air Arm (FAA) da Royal Navy.Tillman 1996, p. 81Tillman 1996, pp. 78-79 Os Hellcat derrubaron máis avións inimigos que calquera outra aeronave embarcada aliada. Tras a guerra os Hellcat foron retirados da primeira liña de servizo nos Estados Unidos, pero os F6F-5N equipados con radar estiveron en servizo ata 1954 como cazas nocturnos.
Notas
Bibliografía
Kinzey, Bert. F6F Hellcat in detail and scale: Revised edition (D&S Vol.49). Carrollton, Texas: Squadron/Signal Publications Inc., 1996. .
Sullivan, Jim. F6F Hellcat in action. Carrollton, Texas: Squadron/Signal Publications Inc., 1979. .
Thruelsen, Richard. The Grumman Story. Westport, Connecticut: Praeger Publishers, 1976. .
Tillman, Barrett. Hellcat Aces of World War 2. London: Osprey Aerospace, 1996. .
Categoría:Aeronaves de Grumman Categoría:Aeronaves co primeiro voo en 1942 Categoría:Cazas da segunda guerra mundial