Azomonas é un xénero de bacterias tipicamente móbiles, de ovais a esféricas e secretoras de grandes cantidades de limo capsular. Distínguense de Azotobacter pola súa incapacidade de formar quistes, pero, igual que Azotobacter, poden fixar o nitróxeno bioloxicamente en condicións aerobias (diazótrofos). En 2007 suxeriuse que os xéneros Azotobacter, Azomonas e Pseudomonas están relacionados e poderían ser sinónimos.
As bacterias do xénero Azomonas forman inclusións intracelulares de polihidroxialcanoatos baixo certas condicións ambientais (por exemplo, falta de elementos como o fósforo, nitróxeno ou oxíxeno combinados cunha subministración excesiva de fontes de carbono).
Etimoloxía O nome Azomonas significa 'mónada do nitróxeno'. Procede do neolatín azo, 'pertencente ao nitróxeno' e monas, 'unidade' (aquí 'bacteria'). Azo procede á súa vez do grego a e zōē, 'que non sustenta a vida'.
Notas
Categoría:Pseudomonadales