China Tom Miéville (pronunciado ), nado o 6 de setembro de 1972, é un autor británico de ciencia ficción, de fantasía urbana, ensaísta, escritor de cómics, activista político socialista e crítico literario. A miúdo describe o seu traballo como weird fiction (unha ficción estraña).

Traxectoria Vida temperá Nado en Norwich, Miéville criouse en Willesden e vive en Londres desde a súa infancia. Creceu coa súa irmá Jemima e coa súa nai Claudia, tradutora, escritora e mestra. Os pais separáronse pouco despois do seu nacemento. El dixo que "nunca coñeceu realmente" o seu pai. Elixiron o seu nome de pía, China, dun dicionario, buscando un nome bonito. Debido a que a súa nai naceu na cidade de Nova York, Miéville é cidadán estadounidense e británico.

Educación Miéville estudou na Oakham School, unha escola independente mixta en Oakham, Rutland, durante dous anos. Aos dezaoito anos, en 1990, ensinou un ano lingua inglesa en Exipto, onde desenvolveu un interese pola cultura árabe e pola política de Oriente Medio.

Miéville estudou unha licenciatura en Antropoloxía no Clare College de Cambridge. Licenciouse en 1994. Despois obtivo un máster e logo un doutoramento en relacións internacionais pola London School of Economics en 2001. Miéville tamén realizou unha bolsa Frank Knox na Universidade de Harvard. Despois de estar insatisfeito coa capacidade das teorías posmodernas para explicar a historia e os acontecementos políticos, converteuse en marxista na universidade. Unha versión en libro da súa tese de doutoramento, Between Equal Rights: A Marxist Theory of International Law, foi publicada no Reino Unido en 2005 por Brill na súa serie "Historical Materialism", e nos Estados Unidos en 2006 por Haymarket Books.

Política Miéville foi membro da Organización Socialista Internacional (EUA) e, até o 13 de marzo de 2013, tamén foi membro do Partido Socialista dos Traballadores (Reino Unido)."Resigning from the Socialist Workers Party", International Socialism, 11 de marzo de 2013 Presentouse á Cámara dos Comúns do Reino Unido nas eleccións xerais de 2001 como candidato da Alianza Socialista. Obtivo 459 votos, o 1,2%, en Regent's Park e Kensington North, unha circunscrición laborista.Ansible 168, news.ansible.com ; xullo de 2001. Consultado o 4 de xuño de 2022. Recoñecementos

Miéville gañou moitos premios, entre eles o Arthur C. Clarke Award (tres veces), o British Fantasy Award (dúas veces), Locus Awards á mellor novela fantástica (catro veces) e a mellor novela de ciencia ficción e mellor novela e mellor libro para mozos e mozas, como así como os premios Hugo, Kitschies e World Fantasy.

Obra publicada Ficción

Serie Bas-Lag

Perdido Street Station (2000)

The Scar (2002) Iron Council (2004)

Novelas autónomas (Stand-alone) King Rat (1998)

Un Lun Dun (2007) 978-0230015869 The City & the City (2009) Kraken (2010) Embassytown (2011) Railsea (2012)

Novelas The Tain (2002)

This Census-Taker (2016) The Last Days of New Paris (2016) . Traducida ao galego como Os derradeiros días de Nova París (2024), Boadicea Editora.

Coleccións de contos Looking for Jake (2005)

The Apology Chapbook (2013) Three Moments of an Explosion: Stories (2015)

Libros ilustrados para nenos The Worst Breakfast (2016), coescrito e ilustrado por Zak Smith Banda deseñada Hellblazer (1988) - Nº 250 "Holiday Special": "Snow Had Fallen"

Justice Leage (Liga da Xustiza, 2011) - # 23.3 "Dial E #1: Dial Q for Qued" Dial H (2012–2013)

Outros Pathfinder Chronicles: Guide to the River Kingdoms (2010), con Elaine Cunningham, Chris Pramas e Steve Kenson. Ed. Paizo Publishing. Non ficción Libros

Between Equal Rights: A Marxist Theory of International Law (2005). ISBN 1-931859-33-7

Red Planets: Marxism and Science Fiction (2009), con Mark Bould. Middletown, Connecticut: Wesleyan University Press. October: The Story of the Russian Revolution ( 2017). Ed. Verso. A Spectre Haunting Europe (2020)

Ensaios London's Overthrow (2011). Reimpreso nunha versión curta como Oh, London, You Drama Queen, The New York Times Magazine 2012-03-01: 42.

"Preface to a Book not yet Written nor Disavowed" (2015). China Miéville: Critical Essays, eds. Caroline Edwards & Tony Venezia.

Premios miniatura| Miéville xusto despois de gañar o premio Arthur C. Clarke en 2010

Perdido Street Station gañou o premio Arthur C. Clarke 2001 e o British Fantasy Award 2001, e foi nomeada aos premios Hugo, Nebula, World Fantasy, Locus e British Science Fiction. The Scar gañou o British Fantasy Award de 2003 e o Locus Award de 2003 á mellor novela fantástica, foi nomeada aos premios Hugo, Arthur C. Clarke, World Fantasy, Locus, Philip K. Dick e British Science Fiction, e recibiu unha mención especial do premio Philip K. Dick. Iron Council gañou o premio Arthur C. Clarke de 2005 e o premio Locus de 2005 á mellor novela fantástica, e foi nomeado aos premios Hugo e World Fantasy. Un Lun Dun gañou o premio Locus 2008 ao mellor libro para adultos novos. The City & the City gañou os premios Arthur C. Clarke 2010, 2010 Hugo Award, 2009 Kitschies e 2010 World Fantasy Award, ademais de ser nomeado ao premio Nebula na categoría de mellor novela. Foi bolseiro (cat. Fiction) de Guggenheim en 2018. Notas

Véxase tamén

Categoría:Marxismo

Categoría:Escritores de literatura infantil de Inglaterra Categoría:Nados en 1972 Categoría:Escritores en lingua inglesa Categoría:Escritores do Reino Unido