Iván Alonso Rodríguez, nado en Ponferrada o 6 de decembro de 1978, é un político berciano.
Traxectoria Estudou enxeñería técnica forestal na Universidade de León e na Universidade Católica de Ávila. Entrou a militar de novo no bercianismo, e máis en concreto nas Juventudes Regionalistas do Partido de El Bierzo e logo foi secretario de organización do PB e o 29 de xaneiro de 2005 o seu partido elixiuno secretario xeral.
En 2015 foi un dos impulsores da entrada do seu partido en Coalición por El Bierzo para concorrer ás eleccións municipais dese ano. Iván Alonso encabezou a lista de CB en Ponferrada e logrou acta de concelleiro e fíxose cargo da concellería de medio rural e no período 2015-2019 foi vicepresidente do Consello Comarcal do Bierzo.
Iván Alonso converteuse en secretario xeral de Coalición por El Bierzo en 2018 logo de se constituír en federación de partidos políticos e o ano seguinte volveu de novo liderar a lista de CB, outra volta entrou na corporación e retivo a concellería de medio rural. En 2020 CB cambiou a súa estrutura e deixou de ser un partido presidencialista, polo que Iván Alonso como secretario xeral converteuse no líder da formación.
Notas
Categoría:Nados en Ponferrada Categoría:Nados en 1978 Categoría:Alumnos da Universidade de León Categoría:Concelleiros de Ponferrada Categoría:Políticos de Coalición por El Bierzo