O tesouro de Ryther é un tesouro de moedas medievais de prata achado en 1992 en Ryther cum Ossendyke, Yorkshire Norte, Inglaterra.

Descuberta O tesouro foi descuberto na mañá do 4 de abril de 1992 por Stephen Pickles, un afeccionado ás procuras con detector de metais, nunha leira próxima á localidade de Ryther onde xa apareceran varios achados de época romana e posmedieval.Craig Barclay (1995). Páxina 135.

Inicialmente, Pickles descubriu dúas moedas de prata a unha profundidade de entre 46 cm e 51 cm, feito que lle comunicou inmediatamente ao propietario do terreo. Nunhas declaracións posteriores publicadas en The Researcher, Pickels indicou que despois ambos escavaron xuntos a zona e comezaron a aparecer máis moedas, e un pouco máis abaixo os bordos do recipiente, que estaba deitado dun lado e coa parte superior feita anacos.Pickles, S. (1992). "A silver harvest in the leek field". En The Searcher. Vol. 84. Agosto. Páxina 17.

En total acháronse 812 moedas de prata, ademais do recipiente de cerámica que as albergaba, e o conxunto foi levado axiña ao Museo de Yorkshire, en York, para o seu estudo. Nun exame posterior no lugar do depósito acháronse outras cinco moedas máis.

Ao comprobarse que o achado cumpría os requisitos determinados pola Lei do Tesouro de 1996, foi declarado formalmente como "tesouro oculto" polo Tribunal de Primeira Instancia de Harrogate o 9 de outubro de 1992.

Contido

Moedas O conxunto consta de 817 moedas atopadas xunto coa xerra de cerámica. Na súa maioría eran moedas inglesas e entre elas había 238 groats, 30 medios groats, 532 peniques e 2 peniques falsos. Tamén había catro groats e dous peniques irlandeses, así como dous peniques escoceses e sete dobre patards dos Países Baixos, que terían circulado en Inglaterra como groats, como testemuña a súa frecuente aparición en achados monetarios desta época en Inglaterra.Spufford, P. (1964). "Burgundian double patards in late medieval England". En British Numismatic Journal. 33. British Numismatic Society. Páxinas 110-117."Ryther Hoard". York Museums Trust.

Todas as moedas inglesas datan do período abranguido entre os reinados de Eduardo I (1272-1307) e Henrique VII (1489-1509), polo que o máis probable é que fose depositado cara a finais do século XV.Craig Barclay (1995). Páxinas 135-136. As súas cecas de procedencia son Bristol, Canterbury, Coventry, Durham, Londres, Norwich e York.Craig Barclay (1995). Páxinas 140-150.

Xerra A xerra é un pequeno exemplo da industria da cerámica Humber, característica de Yorkshire Norte, e data do século XV.Jennings, S. (1992). Medieval Pottery in the Yorkshire Museum. The Yorkshire Museum, York. Páxinas. 27-29, 51-53. ISBN 978-0905807041 A tipoloxía desta cerámica adoita ser crúa, sen terminar e en ningún caso vidrada. Ás veces chámaselles "xerras para beber", polo seu tamaño, aínda que a análise de residuos e algunhas ilustracións demostraron que tamén se usaban con frecuencia como penicos masculinos. Trátase dun recipiente moi común durante o século XV, aínda que hai poucas probas da súa fabricación xa a principios do século XVI.Craig Barclay (1995). Páxina 138.

Conservación O tesouro foi adquirido polo Museo de Yorkshire. En xullo de 2021 amosouse nunha exposición sobre o reinado de Ricardo III (1483-1485) da que tamén formou parte un retrato do monarca procedente da Galería Nacional de Retratos."World famous portrait of Richard III to be put on show in York". En YorkMix.com. 7 de maio de 2021.

Notas

Véxase tamén

Bibliografía

Bland, R. (2018). Coin Hoards and Hoarding in Roman Britain AD 43-c.498. British Numismatic Society / Spink. ISBN 9781907427794 Craig Barclay (1995). "The Ryther Treasure Trove". En British Numismatic Journal. 65. 9. British Numismatic Society. Páxinas 135-150.

Outros artigos

Tesouro

Ligazóns externas

Vídeo: "Yorkshire Hoards: The Ryther Hoard" (York Museums Trust) Vídeo: "Curator Talk: Uncovering the Ryther Hoard" (York Museums Trust)

Categoría:Tesouros Categoría:Tesouros monetarios Categoría:Arqueoloxía en Inglaterra Categoría:Moedas da Idade Media