Alberto Dadie Izagirre, nado en Donostia o 20 de xullo de 2002, é un futbolista español que xoga como dianteiro na Real Sociedad B, da Primeira División RFEF.
É fillo do exfutbolista Luis Dadíe.
Traxectoria Formouse na canteira da Real Sociedad, na que ingresou en 2014, e na tempada 2020/21 debutou co segundo filial do club, a Real Sociedad C, na Terceira División, logrando ese mesmo ano o ascenso á Segunda División RFEF. Na tempada 2022/23 fixo a súa estrea coa Real Sociedad B na Primeira División RFEF, no encontro da primeira xornada ante o Eldense.
O 1 de novembro de 2023 debutou co primeiro equipo da Real, na vitoria por 1-0 ante o Buñol na primeira rolda da Copa do Rei.
Notas
Categoría:Nados en 2002 Categoría:Nados en Donostia Categoría:Dianteiros de fútbol Categoría:Futbolistas do País Vasco Categoría:Xogadores da Real Sociedad B Categoría:Xogadores da Real Sociedad