Manel Ollé i Rodríguez, nado en Barcelona o 11 de outubro do 1962, é un escritor e profesor universitario catalán.
Traxectoria Manel Ollé naceu en Barcelona no 1962. Licenciouse en Filoloxía Catalá na Universidade de Barcelona (1986), e doutorouse en Historia pola Universidade Pompeu Fabra (1999), cunha tese sobre a política da China sobre Filipinas no século XVI.
Na actualidade, é profesor titular de historia e cultura da China moderna e contemporánea na Universidade Pompeu Fabra, así como coordinador do mestrado en Estudos Chineses e codirector do curso de posgrao en Cinema Asiático (Universidade Pompeu Fabra-Casa Asia). Publicou libros de poesía, antoloxías, e ensaios. É tradutor ao catalán de Balzac, Gao Xingjian e Li Qingzhao.
Obra As súas investigacións céntranse na política marítima chinesa nos séculos XVI e XVII, as percepcións europeas sobre a China e a diáspora chinesa no sueste asiático. Publicou máis de noventa artigos científicos e cincuenta e cinco capítulos de libros, así como manuais, libros de ensaio e traducións.
Publicacións Poesía De bandera liberiana (1993), premio Guerau de Liost de poesía. Mirall negre (2001), premio Ciutat de Palma-Joan Alcover de Poesía en Catalán. Bratislava o Bucarest (2012), premio Grabiel Ferrater de Poesía. Un grapat de pedres d'aigua (2021), premio Jocs Florals de Barcelona.
Ensaio La invención de China (Harrasowitz Verlag, 2001). La empresa de China: de la armada invencible al galón de Manila (Acantilado, 2002). Made in China: el despertar social, político y cultural de la China contemporánea (Destino, 2005). La Xina que arriba: perspectives del segle XXI (Eumo, 2009) Comunicación y poder en Asia oriental (Universidade Oberta de Cataluña, 2017). Islas de plata, imperios de seda: Juncos y galeones en los Mares del Sur (Acantilado, 2022).
Notas
Categoría:Nados en 1962 Categoría:Escritores en lingua catalá Categoría:Escritores en lingua castelá Categoría:Tradutores ao catalán