Rafael Poch-de-Feliu, nado en Barcelona en 1956, é un xornalista e escritor catalán, especializado en política internacional de Rusia, Alemaña e a China.
Traxectoria Estudou historia contemporánea en Barcelona e historia de Rusia en Berlín Occidental.
Traballou como correspondente durante máis de 20 anos, residindo en Moscova, Pequín, Berlín e París de forma consecutiva. Foi correspondente do xornal alemán Die Tageszeitung en España e redactor da axencia de noticias Deutsche Presse-Agentur en Hamburgo.
Dende o ano 1988 até o 2002 foi correspondente de La Vanguardia en Moscova, coincidindo co colapso da Unión Soviética. Do 2002 até o 2008 foi correspondente na República Popular da China do mesmo xornal, en Pequín. A continuación en Berlín e dende final do ano 2014 en París.
Poch-de-Feliu é autor de numerosos artigos realizados durante o seu traballo como xornalista correspondente, así como de numerosos libros centrados tamén na diplomacia e as relacións políticas internacionais, especialmente nos países nos que viviu como correspondente. Salientan os seus libros sobre a China, Rusia e Alemaña, e entre os seus artigos, Hong Kong: La reunificación sutil, parte do seu traballo realizado como correspondente de La Vanguardia na China, recollido na publicación titulada Diario de Pekín (2002-2008).
Como experto na República Popular da China realiza entrevistas, conferencias e debates. Salvador López Arnal realizou unha conversación entrevista a Poch-de-Feliu publicada co título La crisis, la República Popular de China y la construcción europea.
Publicou os seus escritos en medios como CTXT, entre outros artigos El síndrome Qing en Estados Unidos sobre a situación de crise entre a China e os Estados Unidos.
Obras escollidas 1991 Tres días de agosto. golpe y revolución en la URSS, Editorial La Vanguardia 2000 Tres preguntas sobre Rusia. Estado de mercado, Eurasia y fin del mundo bipolar, Icaria Editorial 2003 La gran transición: Rusia 1985-2002. , Editorial Crítica 2009 La actualidad de China: Un mundo en crisis, una sociedad en gestación. Editorial Crítica 2013 La quinta Alemania: un modelo hacia el fracaso europeo. Icaria Editorial 2018 Entender la Rusia de Putin. De la humillación al restablecimiento. Ediciones Akal.
Recoñecementos 2012: Entrevista de Salvador López Arnal. La crisis, la República Popular de China y la construcción europea. Papeis de relacións ecosociais e o cambio global Nº 117 2012, pp. 173-184
Notas
Véxase tamén Ligazóns externas Rafael Poch-de-Feliu - Blog persoal
Categoría:Nados en Barcelona Categoría:Nados en 1956 Categoría:Escritores de Cataluña Categoría:Xornalistas de Cataluña