Aarón Ochoa Moloney, nado en Marbella o 18 de abril de 2007, é un futbolista hispano-irlandés que xoga como centrocampista ofensivo no Málaga, da Segunda División. É internacional coas categorías inferiores da selección irlandesa.
Traxectoria Naceu en Marbella, de nai irlandesa e pai español da Rioxa. Formouse como futbolista na canteira do Málaga CF, debutando co filial na Terceira Federación o 22 de outubro de 2023, nun partido ante o Juventud de Torremolinos CF.
O 6 de decembro de 2023 debutou co primeiro equipo do Málaga, nun partido da Copa do Rei ante o Eldense no que substituíu na primeira metade ao lesionado Juan Hernández. Con 16 anos, 7 meses e 18 días, converteuse no segundo xogador máis novo en debutar co primeiro equipo do club, só por detrás de Fabrice Olinga.
Disputou nove encontros co primeiro equipo durante a campaña, na que os malagueños lograron o ascenso a Segunda División. Xogou o seu primeiro encontro na categoría de prata na primeira xornada da 2024/25, nun empate 2-2 contra o Racing de Ferrol na Malata.
Notas
Categoría:Nados en 2007 Categoría:Nados en Marbella Categoría:Españois de ascendencia irlandesa Categoría:Futbolistas de Andalucía Categoría:Centrocampistas de fútbol Categoría:Xogadores do Málaga CF Categoría:Xogadores do Atlético Malagueño