miniatura|Probas de anverso e reverso do primeiro billete de 10.000 dólares (1878).
O billete de 10.000 dólares estadounidenses foi un billete con ese valor facial emitido nos Estados Unidos entre 1878 e 1969. Trátase do billete estadounidense co valor nominal máis ato destinado á circulación ordinaria. Aínda que estes billetes seguen a ser de curso legal, polo que poden ser cambiados polo seu valor en calquera banco, son moi apreciados polos coleccionistas numismáticos e no mercado do coleccionismo alcanzan prezos moi superiores.Gilkes, P. (2016). "When the United States printed $100,000 notes". En Coin World. 15 de xullo.
Malia ser o billete de maior facial dos de uso ordinario, existiu un aínda maior, o de 100.000 dólares, que se utilizou unicamente para transferencias interbancarias,Walrath-Holdridge, M. (2023). "Talk about inflation: a $10,000 Great Depression-era bill just sold for $480,000". En USA Today Money. 21 de setembro."$10,000 Bill ". Museum of American Finance (www.moaf.org). e cuxa posesión por particulares é ilegal."$100,000 Gold Certificate". The Bureau of Engraving and Printing (www.BEP.gov).
Historia
O billete de 10.000 dólares apareceu por primeira vez na serie papel moeda de curso legal de 1878. Emitiuse novamente nas series de 1914 e de 1918, e logo nas de 1928 e 1934. Inicialmente emitiuse en papel moeda de gran tamaño, coñecido domo Horse Blanket, cunhas medidas de 187 mm por 81 mm, e a partir da serie de 1928 reduciuse o seu tamaño a 156 mm por 66 mm."All Kinds Of U.S Large-Size Paper Money - Large Bills Currency". CollectiblesCurrency.comMiller, Z. (2028). "How the dollar has changed over the years". BusinessInsider.com. 17 de outubro.miniatura|Benny Binion e a súa filla diante do expositor con 100 billetes de 10.000 dólares (ca. 1969).
Orixinalmente emitiuse como un certificado de ouro, mais a Orde executiva 6102 de 1933 limitou a propiedade de moeda de ouro, polo que o billete se redeseñou e volveu emitirse como un billete da Reserva Federal. A Oficina de Gravado e Impresión dos Estados Unidos continuou emitindo os billetes ata 1969, aínda que estes non circularon moito entre a poboación, porque a súa finalidade principal foi a de facilitar as transaccións entre bancos. O 14 de xullo de 1969, o Departamento do Tesouro anunciou que se deixarían de emitir todos os billetes con valores faciais superiores a 100 dólares, e que todos os bancos debían enviar ao Tesouro todos os billetes de 10.000 dólares para a súa destrución, o que provocou que atopar un exemplar fose cada vez máis difícil."Historical Currency". The Bureau of Engraving and Printing (www.BEP.gov)."Federal Reserve Notes". Board of Governors of the Federal Reserve System (Federalreserve.gov). Coleccionismo Esta escaseza levou a que no ámbito do coleccionismo chegasen a pagarse máis de 200.000 dólares por espécimes particularmente escasos e en graos de conservación excelentes."PMG-graded High-Dollar Notes in the Spotlight at January Heritage Sale". Paper Money Guaranty (PGMnotes.com).
O empresario de casinos Benny Binion exhibiu un centenar de billetes de 10.000 dólares no seu casino, Binion's Gambling Hall and Hotel. A familia Binion vendeunos en 2016 por cantidades entre 112.500 e 188.000 dólares cada exemplar.Brean, H. (2016). "Someone wants to spend $188,000 for $10,000 cash". En Las Vegas Review-Journal. 7 de xaneiro.
En 2023, un billete de 10.000 dólares de 1934 sen mostras de circulación e certificado pola compañía Paper Money Guarantee (PMG) superou o medio millón de dólares nunha poxa numismática da compañía Heritage Auctions en Texas.Czachor, E. M. (2023). "$10,000 bill sells for nearly half a million dollars at Texas auction — and 1899 coin sells for almost as much". En CBS News. 27 de setembro.
Galería
Notas
Véxase tamén
Bibliografía
Krause, C. L.; Lemke, R. F. (2002). Standard Catalog of United States Paper Money. Krause Publications. ISBN 0-8734-9490-3 Friedberg, A. L.; Friedberg Krause, I. S. (1989). A Guide Book of United States Paper Money. Withman Publications. ISBN 0-8734-9490-3
Outros artigos
Dólar estadounidense Billetes do dólar estadounidense Billete de 500 dólares estadounidenses Billete de 1.000 dólares estadounidenses Billete de 5.000 dólares estadounidenses Billete de 100.000 dólares estadounidenses
Ligazóns externas
"Estados Unidos: la increíble historia de los billetes de 10.000 y 100.000 dólares". En Clarín. 2 de setembro de 2019
Categoría:Billetes do dólar estadounidense